New Delhi: Shadioun ke douran aksar ek rasam manei jati hai aur is rasam ko bollywood ki mashhoor film hum aap ke hain kon mein Salman Khan aur Madhuri Dixit par filmaya gaya tha jis ke bol pesey do jootay lo thay lekin ye hi rasam ek talkh yaad mein is waqt tabdeel hogayi jab dulhy ne baar baar israar par jootay wapas nah karne par Salioun ki nah sirf pataayi kar di balkay shadi bhi khatam karne ka faisla karliya tha lekin dulhan waloun ne is ki minnat samajat karne ke ilawa usay zayed 10 lakh jahez diye jis ke baad is ne shadi ki.
Shadi ki ye rasam shadi walay din dulhan ki behnain apne behnoi ke jootay chori karti hain aur raqam ka taqaza karti hain, Ye rasam Hindustan ke ilawa padosi mumalik sameit deegar mumalik mein bhi raaij hai. Isi hawalay se ek dilchasp khabar ne sab ko herat mein daal diya hai, Ye khabar Hindustan ki hi hai jahan par dulhy ke jootay ke auwaz raqam ke taqaza karne par dulhy ne dulhan ki behnoun ko thapad raseed kar diye aur shadi se inkar kar diya.
Tafseelaat ke mutabiq shadi mein dulhy ka joota chupaney ki rasam khandan ko is waqt mehngi par gayi jab dulhy ne khud shadi se inkaar kar diya aur kuch dulhan waloun ki taraf ki khawateen ko zadokob bhi kiya gaya.
Waqea Uttar Pradesh ke Muzaffarnagar zila ke Sisauli gaon mein pesh aaya. Ye waqea is waqt shuru huva jab dulhy ke hone walay salioun ne dulhay ka joota chupa leya aur iss ke badlay mein raqam ka mutalba karne lagen. Dulhy ne kayi martaba joota wapas lautne ka mutalba kiya lekin uski hone wali Salioun ne baghair raqam adakaye joota daine se inkar kardiya.
22 sala Vivek Kumar ne gussa mein aakar apni hone wali salioun ku marna peetna shuru kar diya. Dulah dolhan ke rishta daar dulhy ko khamosh karwane ki kaafi koshish ki lekin shadeed gussa mein dulah ne dulhan ke kisi barray rishtadar ku thapad raseed kardeya.
Is ke baad dulhy ne shadi karne se inkaar tak kardiya. Kayi admioun par mushtamil baarat ko wapas bhaij diya gaya. Maamla ko thanda karwane ke liye police se madad leni padi. Isi douran dulhan waloun ne 10 lakh rupay naqad raqam bator jahez daine ki pesh kash ki aur shadi nah todne ki khwahish zaherki. Jis par dulah aur is ke rishta daaroun ne qubool karliya.
Station House officer Virendra Kasana ne is waqea par kaha ke hamein kisi ki bhi janib se koi shikayat masool nahi hui. Dulah aur dulhan ke rishta daaroun ne police station ke bahar hi maamla sulchaliya. –YTN STAFF