New Delhi: Delhi ki Jawaharlal Nehru University ( JNU ) mein itwaar ke roz hungama barpaa hogaya. bataya jata hai ke kuch logoun ne jinhon ne apne chehray naqaab se dhake hue they, JNU campus mein talba aur asatezah par hamla kiya, is hamlay mein talba union ki sadar buri tarhan zakhmi hogayi hain. Aini shahideen ne bataya ke shaam 6:30 bajey ke qareeb 50 ghunde JNU campus mein daakhil hue aur talba par hamla karna shuru kar diya.
Un afraad ne cars ko bhi nishana banaya aur hostel mein toadh phodh ki. JNU ke professor ne bataya ke hamla awaron ne hostel par pathrao kiya aur university ki amlaak ko bhi nuqsaan pohancha. talba union ki sadar ne kaha ke hamla awaron ke chehray par naqaab lagaye hue they aur un par buri tarah se hamla kiya. is hamlay mein unke sir ko gehri choth lagi hai.
Is hamlay mein JNU ke general secretary satish Chandar bhi zakhmi hogaye. JNU ke naib sadar ne bhi ABVP par hamle ki rahnumai ka ilzaam aaed kiya. Media ko Whatsapp paegham mein moon ne kaha ”ABVP ne JNU camps ke bahar se ghundoun ka hujhoom jama kiya hai, woh har kamroun mein ja rahay hain.
Hamlay ke douran hostel ke kamron aur labi mein todh phodh ki gayi, jabkay namaloom shar-pasandoun ne sadkon par khadi mutadid gadiyon ko nuqsaan pohancha. is maamla par intizamia ke jawab ka abhi tak intezaar hai, jabkay police bhi mauqa par pohanch chuki hai.
Social media par viral honay walay video mein dekha jasakta hai ke naqaab posh kis tarhan hamla kar rahay hain. –YTN STAFF