New Delhi: Jawaharlal Nehru university mein itwaar ki shaam honay walay tashadud se ek roz qabal, JNU talba ki union ki sadar Aishi Ghosh aur deegar 19 afraad ke khilaaf university ke server room mein toad phode karne ke ilzaam mein muqadma darj kiya gaya hai. 3 January ke muamlay mein FIR bhi darj ki gayi hai, Lekin Ghosh ka naam mojood nahi hai. jabkay baen baazu ke talba ke naam darj hain .
4 January ko, jo hamla aur suroor room tornay ki FIR hai is mein Aishi Ghosh aur 7-8 sathiyoun ke naam hain. Ye dono FIR JNU intizamia ki janib se darj karai gayen. JNU tashadud mein, Kuch talba aur asatezh sameit 34 afraad zakhmi hue hain. Is tashadud mein Aishi Ghosh ke sar par gehri chouten ayen, Jis ke baad inhen AIMS mein bharti karna pada tha.
Doosri taraf, Muzahireen ne gate way of India aur Taj Mehal Place hotel mein, Itwaar ki shaam JNU mein hove hamlay ke khilaaf muzahiray karte hue, Inqalabi geet gaaye. Is douran police ne bataya ke wo muzahireen ko gate way of India se hatakar Azad maidan bhaij diya gaya hai.
Wazeh ho ke itwaar ki shab JNU campus mein, lathyoun aur lohay ki salkhoun se lais kuch naqaab posh afraad campus mein daakhil hue aur talba aur usaatezaa par hamla kiya aur campus mein amlaak ko nuqsaan pohanchaya, Baad mein intizamia ko police ko talabb karna padha tha.
Ittila ke mutabiq, Mazkorh hamlay ki zimma daari ”Hindu Raksha dal“ Ne li hai. Is hindu tanzeem ne wazeh lafzoun mein kaha hai ke JNU mein itwaar ko hui marpeet unhi ke karkunaan ne ki hai. Hindu Raksha Dal ke qaumi sadar pinki choudhary ne is silsila mein ek video jari kiya hai, Jis mein unhoun ne kaha hai ke talba ki pataayi karne walay un ke karkunaan tay aur agay bhi wo JNU mein mulk mukhalif sar garmioun ko bar daasht nahi karenge. –YTN STAFF