Riyadh: Saudi Arab mein Jeddah bandargaah par qurbani ke liye 60 hazaar se ziyada bakray poanch gaye jahaz 6 qurbani ke janwar le kar Jeddah Islami bandargaah par langer andaz hue hain. Saudi khabar-rasan idaray SPA ke mutabiq Eid Ul-Adha ke mauqa par Saudi shehrioun, Muqeem ghair mulkion aur Hajj karne waloun ko qurbani ke janwar aasani se muhayya honge.
Wizarat maholiyaat o pani o zaraat ke matehat maweshion ke Doctors ney qurbani ke janwaroun ka tibbi muaina Record waqt mein mukammal karliya jis ke baad janwaroun ko jahazoo se utaara gaya hai. Jeddah Islami bandargaah ki intizamia ney Saudi Market ki zaroriat ko mehsoos karte hue qurbani ke janwaroun ko utaarnay, Tibbi muaina karwane aur inhen taajiroun ke hawalay karne mein mustadi se kaam liya hai. Islami bandargaah 24 ghantay zurori ashya laane walay jahazoo ku har mumkin saholaten faraham kar rahi hai. Is silsilay mein hifzaan sahet ki tamam tadabeer o ba-amal layi jarahi hain.