Riyaz: Saudi Arab ki ek adalat ney Jeddah hamlay 2017 mein mulawis honay ke ilzaam mein teen afraad ko sazaye mout sunai hai jab police ke sath Firing ke tabadlay ke baad 2 afraad ney khud ko dhamakay se uda liya tha. Jeddah hamlay 2017 ke teen mulazemin ko sazaye mout 2017 mein Saudi Security Forces ney Jeddah mein ek makaan ka gherao kiya aur Daesh se taluqaat rakhnay walay 2 afraad ke sath Firing ka tabadlah kiya aur is tassadum mein un afraad ney khud ko dhamakay se uda liya tha.
Media ke bamujab adalat nay dhamaka khaiz mawaad rakhnay sameit inhen dehshat gardi se mutaliq ilzamaat mein saza sunai. Is faislay mein kaha gaya hai ke mulzimaan nay Daesh ki himayat ki aur Security Forces ko halaak karne ka mansoobah banaya tha. Askriat pasandon nay 2014 se Saudi Arab mein bohat saari Firing aur Bomb dhamakay kiye hain, Is ke Foran baad hi Islamic State ke rehnuma Abubaker Al Baghdadi nay Saudi hamion ko Sham aur Iraq ki jangoo mein beron mukl ki bajaye ghar par hamlay karne ke liye talabb kiya tha.