Pithal Gaon: kuch karne ki chaah jab dil mein ho to phir Umar mainey nahi rakhti iska saboot phir ek martaba mila hai aur angrezi seekhnay ke khwahish mand aisay hi logon ki Mushkilain kam karne ke liye Joshpur collector Sher Sagar nillesh ney district library mein spoken english ka muft course shuru karwaya hai .
Chateesgarh mein joshpur ki is anokhi classes mein 50 sala kishori Gupta sab ki tavajja ka markaz hain kyunkay woh aisi khatoon hain jinhein angrezi zabaan nahi aati aur guzishta 4 barso se se Singapore mein rehne wali apni japani bahu aur poti ke sath baat nahi kar paarhi hain. Gupta ney kaha ke unka beta Anshuman Gupta Singapore mein ek company mein mulazim hai. wahan rehtay hue unke betay ney apni hi company mein kaam karne wali ek japani ladki Akomi noshimra se shadi karli lekin Kishori ke sath masla yeh hai ke woh apni bahu se baat nahi karsakti kyunkay woh angrezi nahi jaanteen aur unki bahu hindi nahi janti. Gupta baqaida tour par english classes jarahi hain aur woh ab kaafi pur josh hain ke apni bahu aur apni 2 saal ki poti Amika se angrezi mein baat kar sakengi .
Collector Sher Sagar nillesh ney kaha ke district library mein english ka crash course shuru karwaya gaya hai, is classes mein sabhi nojawan tabqay ke log bohat josh ke sath shaamil ho rahay hain aur angrezi zabaan mein baat karna seekh rahay hain. is classes mein talba sameit sarkari mulazmeen aur khawateen bhi bharpoor taawun kar rahay hain. english classes mein shaamil talba classes ke alawa angrezi mein mubahisay ke sath story telling programme mein shaamil hokar apne ilm mein izafah kar rahay hain.-YTN STAFF