Srinagar : Baramulla se Jaish-e-Mohammad ke askriat pasand ki giraftari ke sath hi jammu wo Kashmir mein police ne dehshat gard tanzeem ke ek nou tashkeel shuda giroh ko be-asar kar diya hai, jis ne security forces aur aam shehrion ko nishana banatay hue tashadud ka mansoobah banaya tha.
Baramulla town ke rehne walay Mohsin Manzoor ko itwaar ke roz asleha aur golah barood sameit girftar kiya gaya tha. police ne bataya ke woh Baramulla zila mein dehshat gardi ki sargarmia anjaam denay walay 3 dehshat gardon ke ek naye group ka hissa tha.
Is se qabal is group ka ek rukan ek mah qabal police mad bhir mein mara gaya tha, is douran special police officer Bilal Bhatt mara gaya tha aur police ka ek SI amardeep shaded zakhmi hua tha. dosra dehshat gard kuch arsa qabal ek karwai mein girftar hua tha.
police ne mazeed bataya ke teesray aur aakhri mumbar ki giraftari ke baad. is dehshat gard giroh ko toadh diya gaya tha aur security forces aur aam shehrion ko nishana bananay ki dehshat gardi ki saazish ko nakaam bana diya gaya hai. –YTN STAFF