Srinagar : Jammu wo Kashmir se article 370 ko hatane ke khilaaf khawateen srinagar mein ehtijaj kar rahi theen. muzahireen mein jammu wo Kashmir ke sabiq wazeer-e-aala Farooq Abdullah ki beti Safiya Abdullah Khan aur behan Suraiya shaamil theen, police ne un dono sameit mutadid khawateen ko apni tehweel mein le liya hai.
Ye tamam khawateen jammu wo Kashmir ke khusoosi riyasat ka darjaa khatam karne ki mukhalifat kar rahi theen. yeh khawateen hoardings ke sath laal chowk par pratap park mein jama hogayeen, is ke baad unhon ne muzahira karna shuru kiya. police wahan pohanchi aur khawateen ko muntashir kar diya aur ek darjan se zayed khawateen ko apni tehweel mein liya.
Wazeh ho-ke Farooq Abdullah aur unke Farzand Omar Abdullah pehlay hi zair-e-hirasat hain. Farooq Abdullah ko public safety act ( PSA ) ke tehat hirasat mein liya gaya hai.
– YTN STAFF