Ranchi: Hindustani fouj mein apne shohar ki mout se sadme se do chaar hone wali khatoon ne jumaraat ki subah Ranchi ke nawah mein chhalang lagaakar khud kashi karli. Police ke mutabiq, 29 sala Bajrang Bhagat ki ahliya Maneeta Oraon ne Ranchi se 40 kelo meter door apne gaon Channo mein kunvey mein chhalang laga kar khud kashi karli.
Mazkorh fouji Bajrang Bhagat ki 30 decemeber ko Jammu mein mout hogayi, Jahan wo tainaat they. Yakam January ki shaam iski laash gaon layi gayi thi. Aur jumaraat ko is ki aakhri rasomaat ada ki gayeen then. Bhagat ki biwi Maneeta apne shohar ki mout se mayoos thi. Jis ki wajah is ne ye intahi iqdaam kiya. Khatoon ki laash ko post mortem ke liye bhaij diya gaya hai.
Bajrang Bhagat se Maneeta ki shadi 2 saal qabal hovi thi. Un ki koe aulaad nahi thi. Dehatioun ke mutabiq, Maneeta ki bhabi usay koe aulaad na hone ki wajah se tana deti rehti thi. Police ne bataya ke apne shohar ki mout ke baad, Wo khud ko be bas paaya aur is ne khud kashi karne ka iradah kiya.
Bajrang ne 2012 mein hindustani fouj mein shamoliat ikhtiyar ki thi. Inhein 3 mah qabal Maharashtra se Jammu muntaqil kiya tha. Wo bistar se girne ki wajah se wo faut hogaya. Police ne is ki mout ki wajah jan-ne ke liye tehqiqaat shuru kar diya hai. –YTN STAFF