Sunday, April 14, 2024
HomeIndiaJammu Kashmir mein moroun ko qarantina mein rakha gaya

Jammu Kashmir mein moroun ko qarantina mein rakha gaya

Jammu: Coronavirus ki wajah se saari duniya mein lockdown aur virus se mutasirah afraad ko sehat mand duniya se alag rakhnay ki khabrain to aam baat ban chuki hain lekin moroun ko qarantina mein rakha jane laga yeh khabar kuch mukhtalif lagti hai lekin ye sach hai ke jammu Kashmir mein moroun ko pakad kar qarantina mein rakha jane laga hai.

Tafseelaat ke mutabiq jammu wo Kashmir mein mehakma wild life ne zila udham poor ke dandal Nami gaoun mein moroun ko pakad kar qarantina mein rakhna shuru kar diya hai.

Yeh iqdaam dandal mein chand roz qabal ek more aur ek gharelo parinday ka test misbet anay ke paish-e-nazar uthaya gaya hai.

udham poor ke wild life range officer rakesh sharmaa ne is zimn mein tafseelaat batatay hue kaha hai ke dandal nami is gaon ke ek kilo meter ke ilaqay mein mojood tamam moroun ko qarantina mein rakha ja raha hai jabkay gharelo lines nigrani ki jarahi hai. Unhon ne mazeed kaha hai ke chunkay more hamara qaumi parindah hai is ke paish-e-nazar un ko pakad kar qarantina mein rakhnay ka faisla kiya gaya hai.

Rakesh sharmaa ne tafseelaat fraham karte hue kaha ke 15 din qabal udham poor ke dandal Nami gaon mein kuch gharelo parindon aur ek more ki mout waqay hui. Hum ne more ko muanay ke liye jammu bheja jahan se usay jalandhar bheja gaya tha. 3 din pehlay iski report misbet aayi. yeh tashweesh-naak maamla hai.

Ohdedar ne mazeed kaha ke mein ne apni teamon ko dandal rawana kardiya hai. Inhen wahan jitne bhi more mileinge un ko alag alag qarantina mein rakha jayega. Jab tak nah unki report manfi nahi ajati hai tab tak unko qarantina mein hi rakha jayega. Doosri janib chunkay gharelo poultry parinday khanay ke liye istemaal kiye jatay hain, unko so pays aur guidelines ke tehat ahthyat Badti jayegi.

Rakesh sharma ne kaha ke hamaray zila mein 7 January ko bhi 153 kaway murda haalat mein paye gaye thay jinki baad mein report manfi aayi. Unhon Ne ke kuch kavoun ko maaynon ke liye jammu bheja gaya tha jabkay baqi ko so pays aur guide lines ke tehat mehfooz tareeqay se khatam kardiya. jin kavon ko maaynon ke liye jammu bheja gaya tha un ki report manfi aayi thi.