New Delhi: Jammu Kashmir mein Security ke liye izafi dasta tainaat karne ke markazi hukoomat ke faisla par waadi mein siyasi jamaaton ki janib se shadeed radeh amal samnay aaya hai.
Is khabar par radeh amal ka izhaar karte huwe, People Democratic Party ki saddar Mehbooba Mufti ney twit kya ke ”wadi mein 10,000 izafi fouji daston ki taenati ke markaz ke faislay ney logon mein khauf ki kefiyat peda kar di hai.
Kashmir mein Security Forces ki koi kami nahi hai. Jammu Kashmir aik siyasi masla hai, jisay fouji zaraye se hal nahi kiya ja sakta. Hukoomat e Hind ko apni Policy par nazar sani karne ki zaroorat hai.
Jummay ko qaumi salamti ke musheer Ajit Doval ke waadi mein do roza doray ke baad markaz ney waadi mein 10,000 izafi neem fouji ahelkaar tainaat kar ney ka faisla kya hai. Amarnath Yatra ke liye waadi mein pehlay hi 40,000 fojiyon ko tainaat kya gaya hai. Izafi taenati shumali Kashmir ke ilaqa mein ki jaye gi, jahan hukoomat ke liye Security abhi bhi aik challenge bani huwi hai.