New Delhi: Hukoomat ne Jammu and kashmir mein sadar raj ki muddat 6 mahinay aur badhaane ki tajweez aur riyasat ke jammu, Kathua aur saamba azlaa mein bain ul aqwami sarhad se mulhiq gaoun may rehne walay logoun ko tahaffuzaat ka faida diye jane se mutaliq bill ko lok sabha mein pesh kiya. Wazeer-e-dakhla Amit Shah ne aewaan mein is bill ko pesh karte hue kaha ke jammu wo Kashmir mein jamhoriat ki bahaali Bhartia janata party ki qayadat wali hukoomat ki awaleen tarjeeh hai. riyasat mein paidaar aman wo qanun barqarar rakhnay ke liye dehshat gardi ko jadh se khatam karne ki karwai jari rahegi.
Amit Shah ne kaha ke riyasat mein governor raj aur sadar raj ke douran ek saal mein pehli martaba dehshat gardi ke khilaaf zero tolerance ki policy ikhtiyar ki gayi hai aur hukoomat dehshat gardi ka jadh se khatema karne mein koi kasar nahi chhodeygi. is saal ke aakhri hissa mein jammu wo Kashmir mein intikhabaat karwaye jayenge. jammu wo Kashmir mein sarhad ki hifazat aur awam ki Falah wo behbod hukumat ki awaleen tarjeeh hai. Shah ne wazeer-e-difaa aur sabiq hukoomat mein wazeer-e-dakhla rahay Rajnath singh ki tareef karte hue kaha ke singh ne riyasat ke nazam wansaq ko durust karne ke liye jo bhi faislay kiye they, inhen tey shuda meyaad mein mukammal kiya jaye ga .
Rajnath singh ke wazeer-e-dakhla rehtay hue kiye gaye faislay ke mutabiq control line aur bain ul aqwami sarhad par 15 hazaar naye bunker banaye ja rahay hain jo tey shuda meyaad mein ban jayenge. is waqt 4400 bunker ban gaye hain. jammu Kashmir Reservation ( tarmeemi ) bill 2019 ke silsilay mein wazeer-e-dakhla ne kaha ke is bill ke zariye riyasat mein jari tahaffuzaat ke nizaam mein Pakistan se mulhiq bain ul aqwami sarhad ke gaon ko bhi is ke dairay mein laya jayega. isse saamba Kathua aur jammu azlaa ke taqreeban saadhay teen laakh logon ko faida hoga.
Is-se qabal parlimani umoor ke wazeer prahlad joshi ne sadar ome brla se jammu Kashmir mein sadar raj ki meyaad mein tosee aur Reservation tarmeemi bill ko ek sath uthane ki ijazat mangi to congress ke Manish Tiwari ne aitraaz zahir kiya ke aur kaha ke dono mukhtalif mouzuaat hain to ek sath nahi uthaye jasakte hain. is par Shah ne kaha ke woh aewaan ka waqt bachanay ke liye ek sath behas ke liye waqt maang rahay hain. voting to mukhtalif hi hogi. is per speaker ne inhen ijazat daydi. Revolutionist socialist party ke NK prem chandran ne jammu Kashmir Reservation tarmeemi bill ke ittafaq raye se Manzoor kiye jane ki tajweez paish ki . –YTN STAFF