Hyderabad: Delhi mein Jamia Islamia ke talba, Ju Shehiriat tarmeemi act ( CAA ) ke khilaaf muzahiroun ka chehra ban chuke hain, Un hi mein se 2 talbat, Ladeeda Sakhaloon Farzana aur Aysha Renna, Hyderabad ke rukan parliament Asaduddin Owiasi aur deegar muslim rehnumao ke sath hafta ko Hyderabad mein ek Ahtejaji jalsa aam mein shareek hon gi, Aur jalsa se khitaab karengi. Mazkorh jalsay ka ihtimaam karne wali United Muslim Action committee ne Jamia ki mazkoorah talbat ko is jalsa aam mein khitaab ke liye madoo kiya hai.
Itwaar ke roz Jamia Millia Islamia mein shehriat tarmeemi qanoon ( CAA ) ke khelaf ehtijaj ke douran, Undo talbat ne apne mard dost ko bachanay ke liye lathi charge karne walay police ehalkaroun ke samnay khadi then, Aur un ladkioun ki tasaveer social media par viral hui then.
Hyderabad mein, All India Majlis-e-Ittehadul Muslimeen ke daftar daralslam mein hafta ke roz munaqqid honay walay is jalsa aam mein jamaat Islami sameit mukhtalif maktaba fikar ke muslim shaksiaat, Mazhabby Scholar aur rehnuma khitaab karenge. Muntazmeen ne Assam se talluq rakhnay walay insani haqooq ke wakeel amaan wadud ko bhi is jalsa mein shirkat aur khitaab karne ke liye madoo kiya hai. –YTN STAFF