Istanbul: Turkey mein qatal huve Saudi sahafi Jamal Khashoggi ke betoun ne waalid ke qatiloun ko maaf kar diya. Saudi Arab mein muqeem jamal Khashoggi ke betoun Saleh aur Abdallah ne ek bayan mein kaha ke Ramadan ki muqaddas shab unhoun ne apne waalid ke qatiloun ko maaf kar diya hai.
Jamal Khashoggi ke betoun Saleh aur Abdullah ne kaha ke is muqaddas shab un ke zehnoun mein Allah ki aayat hai ke, Agr koyi shakhs maaf kardey aur mafahmat karle to uska Allah ajar dega. Wazeh rahay ke Americi akhbar Washington Post ke sahafi Jamal Khashoggi ko Istanbul mein waqay Saudi Consulate mein 2 baras qabal qatal kiya gaya tha. Turk media ne daawa kiya tha ke Jamal Khashoggi ko Consulate hi mein tashadud karkay qatal kiya gaya, Magar un ki baqiyat aaj tak nahi mil saki hain.
Saudi Arab ne qatal ke jurm mein Decemeber 2019 hamza mai 5 afraad ko sazae mout aur 3 ko qaid ki saza sunai thi. Jamal Khashoggi ke dono betay Saudi Arab mein hi muqeem hain. –YTN STAFF