New Delhi : Election Commission ne jumeraat ke roz kaha ke sabiq wazeer-e-khazana Arun Jaitley aur Uttar pradesh aur Bihar ke senior wakeel Ram Jethmalani ki mout ke baad khaali hui Rajya sabha ki do nishistoun ke liye zimni intikhabaat 16 october ko munaqqid honge. votoun ki ginti 16 october ko hogi.
Poll panel ne kaha hai ke zimni intikhab ke liye dono nishistoun ke liye notification 27 September ko jari kiya jayega, jabkay namzadgi daakhil karne ki aakhri tareekh 4 october hai, kaghzat namzadgi ki jaanch 5 october ko hogi. parcha namzadgi wapas lainay ki aakhri tareekh 9 October hai.
Arun Jaitley ka guzishta mah inteqal hogaya. unki miyad 2 April 2024 tak thi. aur Bihar se RJD ke numainday ki haesiyat se Ram Jethmalani ki miyad 7 july 2002 tak thi. –YTN STAFF