Lucknow: Masoom afraad ki hungame tashadud mein jaan lainay ki khabrain ab aam hoti ja rahi hain aura aye din hindustan ke kisi nah kisi konay mein kisi nah kisi masoom ko jai shree Ram ke naara ke baad zad kob karne ke alawa usay mout ki neend suladiya ja raha hai aur is tarah ab Jai shree Ram ke naam par tashadud bhi aaye din ki khabar ban raha hai.
Shumali utar pradesh ke Chandauli se mossola khabar ke mutabiq ek na baligh muslim ladke ko Jai shree Ram nah kehnay par zindah jala nay ki koshish ki gayi. is haadsa ke baad buri tarhan jhulas jaaney walay Khalid ko dawakhane mein shareek kardiya gaya hai. isna baligh ka naam Khalid hai aur bataya gaya hai ke iska jism 45 feesad jhalas chuka hai aur woh varansi ke dawakhane mein zair-e-ilaaj hai.
Khalid ke rishta daaroun nay ilzaam lagaya hai ke is nay Jai shree Ram ka naara laganay se inkaar kar diya tha isi liye is ke sath aisa kiya gaya jabkay police nay abhi Khalid ke bayanaat ko mutazad bataya hai.
Police nay kaha hai ke abhi tak Khalid nay alag alag bayan diye hain jis nay khandan ke logon ki shikayat ko mushtabad kar diya hai. police nay kaha hai ke kuch chasham deed gawah ke bakol Khalid nay khud hi apne aap ko aag lagayi hai.
Chandauli ke police SP nay kaha ke Khalid ko dawakhana mein shareek kara diya gaya hai aur dawakhana ke zaraye ke mutabiq iska jism 45 feesad jhulas gaya hai. Ye maamla mein alag alag bayan samnay aaye hain is liye abhi muamlay par kuch nahi kaha ja sakta.
CCTV footage ki tehqiqaat ho rahi hain aur Khalid ke bayanaat ke mutabiq un maqamat ki bhi jaanch ki ja rahi hai jin ka zikar Khalid nay apne bayanaat mein kiya hai. –YTN STAFF