New Delhi : Jahez ke liye apne shohar aur sasural waloun ki janib se pareshan kiye jaaney ke baad ek khatoon nay zahreela madah kha kar khudkushi karli. Police ke mutabiq yeh haadsa Dehli ke junoob mein waqay Sangam Vihar mein paish aaya. jis mein Babita Pathak Nami khatoon ki mout ho gayi .
Ibtidayi jaanch mein pata chala ke yeh jahez ka maamla hai. aur is khatoon nay apne shohar Arvind pathak aur unke ghar waloun ki janib se jahez ke liye pareshan kiye jaaney ke baad Babita Pathak nay khudkushi karli .
DSP Vijay kumar nay bataya ke post mortem report ki bunyaad par maamla darj kiya gaya hai. aur Arvind pathak se pooch teach ki ja rahi hai
Uttar Pradesh ki rehne wali Babita Pathak nay 6 feb 2018 ko Arvind pathak se shadi ki thi. Babita Pathak ke ghar waloun nay ilzaam lagaya ke shadi ke ek mahinay baad se hi is ke sasural walon ki janib se ussay jahez ke liye pareshan kiya ja raha tha .
Mahlook Babita Pathak ke waalid hari Shankar pathak nay kaha ke aksar Arvind pathak unki beti ko unkay paas se do laakh rupiye laane ko kehta aur unki beti ke sath buri tarha maar peet karta tha. unhoun nay Arvind pathak aur us ke ghar walon se is mudday se nimatnay ki koshish ki. magar unhoun nay phir se Babita Pathak ko pareshan karna shuru kardiya. aur ab usay khanay mein zeher day kar maar dala .