Hyderabad : Andhra Pradesh ki Jagan mohan Reddy hukoomat sabiq wazeer-e-aala N Chandra Babu Naidu ki beshtar badey faislon ko mansookh kar rahi hai, jo kuch arsa se siyasi hareef rahay hain. April mein munaqqid hue intikhabaat mein intikhabi muhim ke douran honay walay ikhtilafat aur jhadpen is waqt badh gayeen jab May mein intikhabaat ke nataij ka elaan kiya gaya. YSR congress party ( YSRCP ) ney tlgo dishm party ( TDP ) ko bhari aksariyat se hara ney ke baad, dono jamaaton mein chal rahi kasheedgi khuli mahaaz aarai ka sabab bani .
YSRCP ko Iqtidaar mein aakar dhai mahinay ho chukay hain, kuch dehaton mein abhi bhi dono partiyon ke kaarkunon ke darmiyan jhadpen dekhnay mein aa rahi hain. TDP ney ilzaam lagaya ke YSRCP ney unke cadre aur yahan tak ke party ko vote dainay walon ko bhi nishana banaya hae.
Dono partiyon ke aala rehnumao ke ahal-e-khanah do dahoun se talkh hareef rahay hain. wazeer aala Y S Jagan Mohan Reddy ke waalid, YS Rajshekhar Reddy 1999 aur 2004 ke darmiyan opposition leader the. jab TDP ke saddar N Chandra Babu Naidu , ghair munqasim Andhra pradesh ke wazeer-e-aala the.
Rajshekhar Reddy ko YSR ke tor par jana jata tha. unhon ney 2004 mein congress ko Iqtidaar dilaya, aur Chandra Babu Naidu ki taqreeban ek dahai taweel hukmarani ka khatama kiya . 2009 mein Iqtidaar par barqarar rehne ke chand mah baad, YSR ek helicopter haadsa mein fout hogaye, jis ney riyasat ko siyasi inteshaar mein mubtala kar diya. Jagan mohan Reddy, jo is waqt rukan-e-parliment the, ney wazeer-e-aala ke ohday ke liye unke daaway ko kharij karne ke baad congress party ke khilaaf baghaawat ki aur congress party chodh diya. aur unhon ney 2011 mein YSRCP ke naam se party tashkeel di. isi saal inhen ghair qanooni asason ke muamlay mein central bureau of investigation ( CBI ) ney girftar kiya tha aur ek saal se ziyada ki jail ki saza di thi. unhon ney is waqt ki congress hukoomat aur Naidu ki saazish ko inhen jhutay muqadmaat mein mulawis kar ney ke liye moorad ilzaam tehraya tha.
2014 mein Andhra pradesh ki taqseem ke baad, Naidu aur Jagan dono hi Iqtidaar ki jung ladtay rahay. logon ney bazahir nai riyasat ko chalanay ke liye Naidu ke tajurbah ko tarjeeh di. aur inhen Iqtidaar saump diya. lekin Jagan ney haar nahi maani aur aakhir-kaar haliya intikhabaat mein Naidu ko Iqtidaar se be-dakhal karne mein kamyaab hogaye.
Opposition mein rehtay hue Jagan ney Engineering projects ke naqais aur mukhtalif projects mein bad-unwani ke liye Naidu ko nishana banaya tha. aur Bar-sir Iqtidaar anay ke baad, unhon ney Sabiqa Naidu hukoomat ke tamam faislon par nazar sani ka elaan kiya.
TDP usay siyasi intiqam qarar day rahi hai. TDP ke senior rehnuma aur sabiq wazeer Somi Reddy Chandar mohan Reddy ney bataya ke Jagan mohan Reddy yeh sab is liye kar rahay hain ke woh hum se intiqam lena chahtay hain.
lekin YSRCP ney siyasi intiqam ke ilzamaat ko kharij kar diya, aur kaha kaha”. TDP logon ko gumraah karne ki muhim chala rahi hai. logon ney Chandra Babu Naidu ko unse khayanat karne par mustard kar diya aur unki party ney apni shikast se koi sabaq nahi seekha. –YTN STAFF