Hyderabad : AP government nay chief minister Y S Jagan Mohan reddy ke Hyderabad mein moujood makaan ki security ke liye 24.50 laakh rupay Manzoor kiye hain. AP hukoomat ki janib se Manzoor kardah is raqam chief minister Y S Jagan mohan reddy ke banjara hills ilaqa mein lotus pound ke makaan ke liye security intizamaa kiye jayen ge. mukhtas kardah raqam mein 12.50 laakh rupiya scanner aur baggage checking room ki tamirat par kharch kiye jayenge.
Deegar raqam police barkas, bait-ul-khala aur awam ke liye deegar sahuliyaat ke liye tamirati umoor par kharch kiye jayenge. yaad rahay ke haliya assembly intikhabaat mein Andhra Pradesh mein TDP ko shikast dainay ke baad mutahidda AP ke sabiq chief minister Y S R Raj shekhar reddy ke betay Y S Jagan mohan reddy nay wazeh aksariyat ke sath intikhabaat mein kamyabi haasil ki hai jis ko riyasat Andhra pradesh mein ek naye daur ka aaghaz tasawwur kiya ja raha hai aur awam umeed kar rahi hai ke nojawan chief minister ki qiyadat mein riyasat AP mazeed taraqqi ki simt gamzan hogi. –YTN STAFF