Sydney: Hindustani team intizamia rawan haftay ke aakhir mein Australia ke khilaaf boxing day test tak team ke all rounder Ravinder Jadeja ki fitness par gehri nazar rakhaygi aur agar woh dosray test se qabal fit hojaien to all rounder Hanuma vihari ki jagah playing eleven mein shaamil ho saktay hain. Pehlay T20 ke douran zakhmi honay walay Jadeja ko bhi azlaat ki jakran ka saamna karna pada tha jiski wajah se woh pehlay test se bahar hue, taham pichle kuch dinoun se jab Hindustan test match khel raha tha, Jadeja aahista aahista net mein wapas aaye. Maloom hua hai ke senior all rounder sehat yab ho rahay hain lekin yeh yaqeen ke sath nahi kaha jasakta ke woh 26 december ko Melbourne mein khailay jane walay dosray test match mein sad feesad fit honge ya nahi lekin agar fit ho jatay hain to Andhra pradesh ke batsman vihari ko bahar ka rasta ikhtiyar karna padsakta hai.
BCCI ke ek senior zaraye ne kaha hai ke Adelaide test mein apne kam score ki wajah se nahi balkay Ajinkya Rahane aur Ravi shastri chunkay ab baqi teen muqabloun mein team ke zimmedaar honge to unki nazar all rounder par hogi. Agar Jadeja taweel bowling karne ke qabil ho jatay hain to phir is mein koi behas Nahi hogi. Jadeja ne apni all round hunar ki bina par Vihari ki jagah le lenge. Neez yeh Hindustan ko MCJ ke dosray test mein paanch bowlron ko khilane ka ikhtiyar fraham karta hai. Jadeja ne 49 test mein 35 se ziyada ki osat se 1869 runs banaye hain jis mein ek century aur 14 nisf centuria shaamil hain. Unhon ne England Australia ke guzashta douroun mein nisf centuria banai hain. Doosri taraf vihari ne apne 10 test matchon mein west indies ke khilaaf ek century aur 33 se ziyada ki osat se 4 nisf centuries ki madad se 576 runs banaye hain. yahan ek maktaba fikar mojood hai ke agar batting ki khalis salahiyaton ko bhi mad e nazar rakha jaye to phir mahir batsmans vihari aur all rounder Jadeja ke mabain ziyada farq nahi hai. Mohammed shami ke kalayi ke fracture ki wajah se pehlay hi series se bahar ho jane ki wajah se Hindustan ko sirf chaar ke bajaye paanch maahir bowlron ke sath maidan mein utrney ka mansoobah ho sakta hai.