Riyadh : Saudi Arab ki wizarat Hajj wo Umrah ne androon mulk muqeem ghair berooni muslim shehriyoun aur muqami aazmeen hajj par zor diya hai ke woh hajj ki registration karte hue ahteyat se kaam len. jaali hajj Companies ke jhansey mein nah ayen balkay hajj ki registration ke liye faraham kardah sakari online service istemaal karen aur majaz hajj tour operators ke zariye hajj ke liye registration karayen.
Media report ke mutabiq Saudi wizarat hajj ki taraf se muqami aazmeen hajj ke registration ke liye online registration khidmaat faraham ki gayi hai. is ke alawa shehri qabil bharosa aur majaz hajj forms ke zariye bhi apna registration karwasakte hain. Wazarat-e-hajj neh ek bayan mein kaha hai ke bohat se dhoka baz anasir jaali hajj Companies ke zariye shehrion se hajj ki aad mein ruqumat ainth kar inhen nuqsaan pohncha sakte hain. aisay afraad jo jinhoun neh farzi aur jaali hajj Companies ke zariye registration karwaya ho woh sarkari satah par hajj ke liye ahal nahi honge.
Saudi arab ke naib wazeer hajj wo umrah Dr abdul fatah bin Sulaiman mashat neh kaha ke aazmeen hajj ki registration ki nigrani ko mitayen, ghair majaz hajj ki mehmaat, social media Paran ki sar garmion aur jaali hajj tour operators ke naam par logoun ko dhoka dainay walon par gehri nazar rakhay hue hain. is hawalay se Saudi shehrion aur ghair mulki bashindon ko kisi farzi aur jaali net work ki fouri mutaliqa hukkaam ko ittila dena chahiye.
Unhoun neh kaha ke hajj darkhwaston ki online registration ke liye sirf ek link banaya gaya hai. tamam majaz companian apne haan anay walay aazmeen haj ki isi link par registration kara rahi hain. unhoun neh kaha ke muqami satah per aazmeen hajj ki registration hajj ke amal ko shafaaf bananay ki koshisho ka hissa hai taakay hajj ke mauqa par ghair mutaliqh logoun ko Hujjaj mein shaamil honay se roka jasakay. –YTN STAFF