Tobas: Israeli fouj ne maqboza maghribi kinare mein 80 ke qareeb Falasteeni afraad ke makanaat masmaar kardiye hain jo kay haliya dinon mein ki jane wali ek badi karwai hai.
hukkaam aur Aini shahideen ne kaha ke ek ghair mamooli karwai hai jis mein ek hi waqt mein poori baradri ko nishana banaya gaya hai. Israeli bulldozers ne waadi urdan mein tobas ke qareeb khaimay, shade, gashti beeet al khala aur shamsi panel samait gaon ko todh diya. Israeli fouj ki is darindgi ka Aini Shahid khabar rasan idaray AFP ka photographer bhi hai aur uskay mutabiq is ne dekha ke darjanon afraad be ghar hue hain.
Palestine ke Wazeer-e-Azam Mohammad shatahi ne Israeli fouj par ilzaam lagaya hai ke unhon ne hummus al-baqiya gaon ko mukammal tour par masmaar kardiya aur taqreeban 80 afrad ko be-ghar kardiya.
Doosri janib maghribi kinare mein Israeli fouj ki shaakh ko gate ne kaha hai ke waadi urdan mein firing ke ilaqay ( fouji tarbiati ilaqay ) mein ghair qanooni tor par taamer shuda makanaat they jisko masmaar kardiya gaya hai. waadi urdan ka yeh ilaqa maghribi kinare ke ilaqay si mein aata hai jo Israel ki fouj ke zair-e-control hai, jis ne 1967 se maghribi kinare par qabza kiya hai.
Israeli qawaneen ke tehat, Falasteeni ijazat ke baghair is ilaqay mein makaan nahi bana saktay hain aur iski ijazat se aam tor par inkar kardiya jata hai aur phir inhen munhadim kardiya jata hai. Israeli zulm se be-ghar honay walay Abdul al-ghani ne kaha ke israyilyon ne jo gadiyaoun mein aur bulldozers lekar aaye thay woh logon ko ghar khaali karne ke liye 10 minute ki mohlat di jis ke baad unhon ne inehdami karwai shuru kardi gayi. Unhoun ne zor day kar kaha ke unka khandan naslon se is ilaqay mein rehta hai aur unhon ne Israel par yeh ilzaam lagaya ke woh urdan ki waadi ko Falasteeni abadi se khaali karne ki koshish kar raha hai.
Israeli insidaad qabza ghair sarkari tanzeem bi stelam ke mutabiq hummus al baqiya mein raat gaye ki jane wali karwai ghair mamooli thi jab ek hi waqt mein bohat saaray gharon ko nishana banaya gaya. bi stelam ko bhijie gaye ek bayan mein kaha gaya hai ke ek hi waqt mein poori baradri ka safaya karna intehai vheshanh harkat hai aur aisa lagta hai ke Israel is haqeeqat ko barooay car lag raha hai ke is ghair insani faal ko anjaam aisay waqt diya hai jab sab ki tawajah is waqt kahin aur hai.
Unka ishara Amrici sadaarti intikhabaat ki simt tha.
Ek alag bayan mein bi telsam ne kaha hai ke jab ke duniya coronavirus ke bohraan se pareshan hai Israel ne iske zair-e-Iqtidaar rehne walay bashindon ki madad karne ke bajaye falstinyon ko harasan karne ke liye is waqt ka intikhab kiya aur ek napak koshish ki hai. masmaar karne walay adaad wo shumaar par nazar rakhnay walay bi stelam ne kaha hai ke rawan saal ab tak Israeli inhedam ke nateejay mein maghribi kinare mein 798 Falasteeni be ghar hogaye hain.