Qoum parastana qanoon saazi karte hue Israel ko Yahoodi awam ke liye aik Qaumi watan qarar diya gaya aur sirf Yahoodi qbayil ko tarjeehat par mabni qanoon ko aaj manzoori day di gayi. Yeh Israeli qanoon sazoon ki janib se Jaria hafta manzurah mutanazia billls mein se aik hai jis ki mukhalfat oppostion ne ki aur naqideen ne usay ghair jamhoori aur jabirana qarar diya. ghair mulki khabar rasan idaray ke mutabiq Israeli Parliament ne Mulk ko yahudion ki Qaumi riyasat bananay ka mutanazia bill Manzoor karliya. bill ke haq mein 62 jabkay mukhalfat mein 55 vote daaley gaye. is qanoon ke tehat bator sarkari zabaan arabi ke darjay ko ghata diya gaya hai aur Yahoodi abadkari mein izafay ko Qaumi mafaad qarar diya gaya hai. Mutanazia qanoon mein maqboza beeet almuqaddas (Jerusalem) ko Israel ka mukammal aur mutahidda dar-ul-hukumat tasleem kya gaya hai. Israeli Parliament ke arab arkaan ne is qanoon saazi ko shadeed tanqeed ka nishana banatay hue usay jamhoriat ki mout qarar diya. Israel ke wazeer e azam Binyamin Nitin Yahoo ne bill ko srahte hue is ki manzoori ko’ faisla kin lamha’ qarar diya. Wazeh rahay ke Israel ki 90 laakh abadi mein se taqreeban 20 feesad arab hain jab ke Mulk mein un ke sath dosray darjay ke shehrion jaisa bad tareen sulooq kya jata hai. is bill ki manzoori se ghair Yahoodi Israeli aqliaton par door ras nataij muratab honge aur maqboza Maghribi Kinara mein basnay walay Palestenians ke huqooq daba diye jayenge aur Israel mein un ka difaa karne walon ki hesiyat ghat jaye gi. Is bill ki tadween karne walon ka id-daa hai ke is ka maqsad yeh hai ke Israel ke Yahoodi kirdaar ko brhhawa diya jaye. Israel Arab sector ke parliamentrian jo Mulk ki 8. 5 million abadi ka taqreeban 21 feesad hotay hain yeh kaha ke yeh qanoon yahudion ki baladasti ka izhaar hai jo inhen dosray darja ka shehri banakar rakh deta hai. Knesset( qanoon saaz committee ) mein Joint List Arab FAction ke quied Aiman Adeh ne kaha ke aaj mere bachon aur Falasteeni Arab shehrion ke bachon ko yeh kehna hoga ke mumlikat ne yeh elaan kardiya ke woh hamein yahan nahi dekhnaa chahti hai. Israel mein aik Falasteeni haqooq insani tanzeem ”Adalah” ke Director General Hassan Jabreen ne kaha ke qanoon ke kaleedi nakaat nasli asbiyat par mabni hain jo na sirf ghair ikhlaqi hain balkay bain ul aqwami qanoon ke tehat mamnua hai. unhon ne kaha ke mumlikat ke 1. 5 million Falasteeni shehrion, mashriqi Yaroshallam aur golan pahariyoon ke awam ke bawajood dastoori tor par Israel ko sirf Yahoodi awam ki mumlikat banadiya gaya hai aur Israel ko khusoosi nasli mazhabi kirdaar ko Yahoodi bnadyagya.