Lucknow : Mana jata hai ke rukan-e-parliment ban jaaney ke baad taaqat aur Iqtidaar mil jata hai jis ki badolat qanoon se bachney mein asr varsokh ka istemaal kiya ja sakta hai, lekin nou muntakhib rukan-e-parliment Atal Raye ko lok sabha intikhabaat mein kamyabi ke bawajood ismat raizi ke muamlay mein adalat se raahat nahi mili hai .
Uttar pradesh ke ghosi parlimani halqay se kamyaab BSP rukan-e-parliment atal raye ko supreme court nay jhatka diya hai. adalat nay asmat darri maamla mein giraftari se chuut dainay ka mutalba karne wali unki darkhwast ko kharij kar diya hai. wazeh rahay ke atal raye par giraftari ki talwar latak rahi hai aur woh is waqt faraar hain .
Is se qabal supreme court nay atal raye ko giraftari se bachanay wali darkhwast ko bhi mustarad kar diya tha. Atal raye nay apne khilaaf darj ismat darri ke ek muamlay mein 23 May tak raahat dainay ki darkhwast ki thi jis par justice Indra benerji aur justice sanjay khanah ki bench nay samaat ke douran kaha tha ke yeh radd karne wala maamla nahi hai .
Qabil-e-zikar hai ke 1st May ko varansi ke aik police station mein darj FIR mein ek college ki Taliba naay Uttar pradesh ke ghosi se no muntakhib BSP rukan parliment atal raye par jinsi istehsal ka ilzaam aed kya hai. Taliba ka ilzaam hai ke atl raye apni biwi se milwane ki baat keh kar usay ghar le gay they aur wahan iska jinsi istehsal kiya tha halaanke atal raye nay is ilzaam se inkaar kiya hai. atal raye ke wakeel nay is muamlay ko siyasat se mutasir batatay hue kaha ke yeh aam intikhab mein BSP qaied ko tashheer karne se roknay aur unhein intikhab mein shikast dainay ke liye istemaal kardah harba hai .
Doosri janib ismat raizi maamla mein apni giraftari se bachanay ke liye atal raye nay high court ka darwaaza khatkhitaya tha lekin unhein wahan se mayoosi haath lagi kyunkay adalat nay unhein giraftari per rahat dainay se inkaar kar diya tha. Ghhor-e-talabb hai ke atal raye nay lok sabha intikhabaat mein apne nazdeeqi hareef BJP umeed waar hari narayan Rajbhar ko 122018 voton se shikast day kar ghosi nishist par kamyabi haasil ki hai.- YTN STAFF