Manchester: Manchester United ke mehngay tareen Footballer aur nou muslim khiladi Paul Pogba ne Musharraf bah islam honay aur rah-e-Hidayat ikhtiyar karne par fakhr ka izhaar karte hue kaha ke islam ka dehsatgardi se koi talluq nahi. unhoun ne mazeed kaha ke islam insaaniyat ka deen hai jis ne mujhe behtareen Insaan bana diya. 26 sala Pogba ne inkishaaf kiya ke zindagi mein bohat mushkil auqaat dekhe. apne baaz dostoun ke zariye mera taaruf deen islam ke sath hua. islam ke mutalay ne mujhe imaan ki doulat se Sarfraz kardiya. Paul Pogba ke mutabiq islam mere liye jumla kaayenaat hai. deen ne mera sab kuch badal diya. aaj mein bohat itminan aur khushi mehsoos karta hun. mein shaori tor par keh sakta honke meri zindagi badal gayi hai. mera zameer mutmaen aur pehlay se ziyada khud ko mehfooz mehsoos karta hon .
Duniya ke Ameer tareen footballer mein shumaar honay walay Pogba ne kaha ke islam qubool karne ke baad meri zindagi mein inqalabi tabdeelian ayen. iski wajah yeh thi ke mein paedaishi musalman nahi tha. islam ki asal tasweer woh nahi jisay dosray log paish karte hain. dehshat gardi ke barey mein jo batayaa hum zaraye ablaagh se suntay hain woh ek alag cheez hai. jahan tak islam ka talluq hai to iska dehshat gardi se koi talluq nahi . –YTN STAFF