Hyderabad : Telangana state road transport corporation ( TSRTC ) ka driver, jis ne khud kushi ki koshish ki thi, itwaar ke roz ek hospital mein zakhmoun ki taab na laa-kar dam todh diya. jiske baad mulazmeen aur opposition jamaatoun ne hukoomat ke khilaaf ehtijaj kiya.
Tafseelaat ke mutabiq Srinivas reddy Nami shakhs, jisne hafta ke roz khud ko aag laga kar khud kushi karne ki koshish ki thi, war shadeed tor par zakhmi hogaya tha, hyderabad ke apollo hospital mein fout ho gaya. RTC mulazmeen ke ehtijaj ke douran driver ne yeh intahai iqdaam kiya.
Mulazmeen union ne ilzaam aaed kiya ke wazeer-e-aala KCR ke mulazmat se bar-tarfi ke elaan ke baad, mayoosi ki haalat mein reddy ne yeh qadam uthaya aur apni jaan dedi. driver ki is mout ke baad kanchanbagh ilaqay mein hospital ke qareeb tanao paeda hogaya hai, jabkay TSRTC mulazmeen union aur opposition jamaatoun ke qaideen wahan pohanch gaye hain aur unhon ne hukoomat ke khilaaf ehtajaji muzahira kiya.
Muzahireen ne hukoomat ke khilaaf naaray baazi ki. police ko hospital mein hujhoom par qaboo panay mein sakht mushkil ka saamna karna padha. doosri janib zila khammam mein tanao Bar-qarar hai, kyunkay haftay ki shaam se hi TSRTC busesa par pathrao ke waqeat ki it-tila-aat hain. jahan na-maloom muzahireen ne arzi driveron ke zareya chalne wali buses ko rok diya, musafiroun ko neechay utarney par majboor kiya aur phir gaadiyon par hamla kar diya.
Un waqeat mein kai zakhmi nahi hua. chunkay TSRTC arzi amlah ki madad se buses chala rahi hai, is wajah se khammam mein driveron par hamlon ke 3 waqeat pesh aaye hain. –YTN STAFF