New Delhi: Indian Premier League ( IPL ) ka ineqad Mutahidda Arab Emarat ( UAE ) mein 19 September se 10 November taq hona hai aur is ke schedule etwaar ko jari ho sakta hai. IPL ke chairman Brejish Patel ke mutabiq IPL ke 13 we Season ka Schedule itwaar ko jari ho sakta hai. 8 teams 20 aur 21 August ko Mutahidda Arab Emarat pahonch gayi theen aur protocol ke mutabiq Quarantine ki muddat guzarnay ke baad Practice shuru kar chuki hain.
Chennai Super Kings Team ke do kheladeon sameit 13 arkaan ki corona virus repot misbet aayi thi jis ke nateejay mein un ka Practice Session sab se aakhir mein 4 September ko shuru huwa. Tamam teams Indian Premier League (IPL) ke Schedule ka intezaar kar rahi hain. Darin asna difai champion Mumbai Indiens ke Fast Bowler Lasith Malinga, Suresh Raina aur Off Spinner Harbhajan Singh zaati wajohaat ke sabab Indian Premier League se dastbardar hogaye hain. Chennai ke 13 khiladi is waqt 14 denu ki Quarantine mein hain aur Mumbai aur Chennai ney abhi taq mutabadil khiladi ki talaash nahi ki hai.
Guzashta haftay Board Of Control baraye Cricket in India ( BCCI ) ne is baat ki tasdeeq ki thi ke do khiladion sameit 13 ehalkaron ne Covid-19 ke liye misbet test liya tha. Taham, Board ne yeh wazeh nahi kiya tha ke kis team mein kitney tasdeeq shuda mamlaat hain. Khiladion aur amlay ki shanakht bhi zahir nahi ki gayi.