Mumbai: Corona waba ke darmiyan mutahidda arab amarat ( UAE ) mein Indian Permier League ( IPL ) ki 13 win edition ke kamyaab ineqad ke baad 2021 mein iske aglay edition ko Hindustan mein hi munaqqid karne ke silsilay mein tayyariyan shuru hogayi hain jis ke liye 11 feb ko khiladion ki nilami hosakti hai. IPL ki governing council ki haliya virtual ijlaas hua tha lekin IPL ke 14 edition ke liye tarikhon aur match ke ineqad ke liye maqamat ke ineqad ke silsilay mein abhi tak aakhri faisla nahi kya gaya hai. halaanke BCCI yeh wazeh kar chuka hai ke 2021 IPL mein 8 temen hi hissa lengi.
IPL 2021 ke liye khiladion ki ek din ki nilami ka amal kahan hoga is baabat ab tak koi faisla nahi kiya gaya hai halaanke Hindustan aur England ke mabain feb mein honay wali test series ke pehlay aur dosray test match ke darmiyan is nilami ka ineqad kiya jayega. mazkoorah teamon ke darmiyan pehla match 5 taa 9 feb ke darmiyan khela jayega jabkay dosra match 13 se 17 feb ke mabain hoga.
IPL ke liye khiladion ki nilami ke silsilay mein sabiq hindustani batsman brjish patel ki sadarat wali teen rukni committee ghor-o-khoz kar rahi hai. Is committee mein sabiq spiner pragyan ojha bhi shaamil hain. hindostan mein corona waba ke khatray ke darmiyan khiladion ki nilami ka amal mutahidda arab imarat mein munaqqid kya ja sakta hai. Umeed ki jarahi hai ke 2021 ke IPL se qabal corona ka bohraan khatam hojayega aur Hindustan ke mahdanon mein dilchasp muqablon ki ronaqe phir se badh jayegi.