Srinagar : Jammu wo Kashmir mein Article 370 ki mansookhi ke baad mukhtalif muwasilat jaise, internet, landline phone waghera par pabandi lagaye jane ke baad riyasat mein sahet aama ka nizaam bhi kaafi mutasir hua hai.
Iske paish-e-nazar, hukoomat se un sahuliyaat ko bahaal karne ki guzarish karne ke maqsad se Dr Omar ney srinagar mein waqay lal chowk mein dharna munazam kiya .
Unka kehna hai ke agar Internet rabta ko bahal nahi kiya gaya to bohat bada insani almiya pesh aasakta hai. jiske baad inhen hirasat mein le liya gaya hai.
Media se baat karte hue Akhtar ney kaha ke ye ehtijaj nahi hai balkay yeh ek iltija hai, woh sirf hukumat se iltija kar rahay hain ke internet aur phone ki sahuliyaat muyassar nahi hain isko bahaal kiya jaye.
Unhon ney kaha kaha internet wo phone par pabandi ki wajah se woh aur deegar Doctors mareezon ko treatment nahi de parahay hain.
Unhon nay kaha ke ghareeb mareez internet aur land line ki pabandiyon ki wajah se guzishta teen hafton se Aayushman Bharat scheme ke tehat sahet ki sahuliyaat se istifada haasil karne se qassar hain.
Dr Omar ney kaha ke ”Unke mareez aur deegar doctors ke mareez Dialysis aur amraz ke liye aur dawaein khareedne ke liye zaati paise kharch kar rahay hain.
Wazeh hoke markazi hukoomat ne riyasat jammu wo Kashmir ko khusoosi haesiyat dainay walay Article 370 ki mansookhi aur riyasat ko do markazi zair-e-intizam ilaqon mein taqseem karne se qabal hi mukhtalif muwasilat par pabandi aed ki thi aur mukhtalif siyasat daanoun ko hirasat mein le liya tha. jiski wajah se na sirf aam logon ko balkay mareezoun ko aur unka ilaaj karne walay doctoroun ko mushkilaat paish aarahi hain.
Isi silsila mein Dr Omar ney dharna munazzam kiya . baad azan inhen girftar kar liya gaya. –YTN STAFF