Hyderabad: Coronavirus aur lockdown jis ney SSC ke imtehhaan ko mansookh karne mein kaleedi rule ada kiya hai lekin is se Board of Intermediate Education ke kaam par ziyada asar nahi pada. Intermediate imtehanaat kamyabi ke sath munaqqid karne ke baad Board ab nataij ko jald hi jari karne ke liye tayyar hai. Zaraye ney kaha hai ke nataij ya to 15 ya 17 June ko jari kiye jaane ka imkaan hai. Board rawan saal ahthiyat se chal raha hai jo pichlle saal kayi masail aur tanazeaat ka shikaar raha tha.
Degree online services Telangana ( DOST ) ke Convener Professor Lambadri ke mutabiq jaisay hi talba apne Intermediate numbers ki Memo ki web copy download karen ge, Ek pegham unhein Graduation Programs ke liye darkhwast dainay ka khair-muqadam karte huve masool hoga.
Nataij ke elaan ke ek din baad Degree programs mein dakhlay ka notification jari kiya jaye ga. Degree programs ke liye dakhlay 20 se 30 June ke darmain honge. Nashistoun ki Allotment July mein hogi.