azdahe ko maar kar is ka pait cheera gaya. maida ke andar khatoon ki laash maujood thi aur is ka sar saanp ki dum ki janib tha jis se zahir hota hai ke azdahe ney pehlay khatoon ka sar nigla tha.
Jakarta. Indonesia mein aik bohat bade azdahay ney aik khatoon ko zindah nigal liya aur is waqea se ilaqa mein khauf o hraas phail gaya. 27 foot taweel azdahay ko pakad kar jab is ka pait chaak kya gaya to is ke pait se khatoon ki luaab mein luthri hui mukammal laash bar aamad hui jis mein un ke kapray bhi numaya they. 54 sala khatoon do bachon ki maa thi aur jis ney brown saari aur surkh bouse pehna huwatha aur is ke kapday bhi qabil e shanakht they. Tiba nami khatoon Indonesia ke ilaqa junoob mashriqi slavisi ki rehaishi theen jo jumaraat ki raat se gayab thi aur agli subah is ke baiton ko aik jagah is ke chappal miley. is ke baad jab logon ney is ki talaash shuru ki to qareeb hi aik azdaha dekha gaya jis ka pait buri terhan phoola huwatha. yeh manzar dekh kar log ronay lagey aur fauri taur par azdahe ko maar kar is ka pait cheera gaya. maida ke andar khatoon ki laash maujood thi aur is ka sar saanp ki dum ki janib tha jis se zahir hota hai ke azdahe ney pehlay khatoon ka sar nigla tha. taham is waqt taq bohat der hochuki thi aur azdahe ke shikam mein khatoon dam toar chuki thi. Indonesia ke is ilaqa mein barray azdahe paye jatay hain jo chhootey Mamels aur janwaron ko zindah nigal letay hain lekin kabhi kabhi woh bachon aur khawateen ko bhi apna niwala banatay hain