Aqwam-e-mutahidda : Hindustan ne aqwam-e-mutahidda ki general assembly mein Pakistan ke wazeer-e-azam Imran Khan ke khitaab ko nafrat par mabni aur qaron wasti ki zehniat ka akaas qarar detay hue kaha hai ke atomi jung ki dhamki day kar unhon ne saabit kardiya ke woh door andaish siyasatdan nahi balkay ghair mutawazan soch ke haamil rehnuma hai.
Hindustan ne aqwam-e-mutahidda ki general assembly mein Pakistan ke wazeer-e-azam ki taqreer par jawab denay ke haq ka istemaal karte hue yeh sakht tabsarah kya. Hindustan ne Pakistan ke wazeer-e-azam ke apne mulk mein koi bhi dehshat gard na honay ke daaway par kayi sawal bhi uthaye.
Aqwam-e-mutahidda mein hindustani mission mein first secretary ne kaha ke khayaal kiya jaata hai ke is bawaqar platform se kaha gaya har lafz tareekh se juda hai lekin bad-qismati se Pakistan ke wazeer-e-azam ki zabaan se jo kuch suna gaya is mein bohat hi mo-asar tareeqa se duniya ko 2 hissoun mein taqseem karne ki koshish ki gayi. –YTN STAFF