Hyderabad: Nagaram chourasata ijtemai ismat rezi muqadma ke chonka dene wale modh may police ne apni tafteesh may inkeshaf kiya hai ke mutasirah ladki jisne ibtedai daawe may ismat rezi ka ilzaam lagaya tha ke apne is bayan ke auto driver aur do deegar afrad ne us ki ismat rezi kit hi munharif hogyi aur kaha ke asal may wo apne premi ke saath tanhai may waqt guzara aur jo afrad aaye the wo bhi unke sathi the aur sab ne milk kar ganja piya.
Police tafteesh se pata chalta hai ke ladki ek pharmacy ki taliba hai jo nagaram chourasta may apne college bus se utarne ke baad maaomool ke mutabiq apni rihaiesh gah tak pohachne ke liye auto rickshaw may sawar hogyai, raaste may Ram pally per wo auto se utar gayi aur apne premi ke saath jo do pahyie ki gadi par aaya tha uske saath sunsan ilaqe ki taraf rawan hogyi.
Uske baad un dono ne tanhayi may waqt guzara jaha us ne apne premi ke saath ganja bhi peeya tha.
Us mehfil may do aur afrad bhi shamil hogaye, ganja session ke baad us ne apne premi ke saath neeji lamhat guzare.
Ladki ke ghar na pohanchne per ye wo waqt tha jab uski walida ne use phone karna shuru kiya. Bohot saare calls ke baad ladki ne phone per baat ki aur maa ko mukhtasar tour per bataya ke kuch auto driver use ek ajeeb wo ghareeb muqam per le aaye ahi, phir usne phone nahi kiya.
Uske baad walida ne police ko chokas kardiya, ek baar jab police mauqa per pohanchi , gashti gadi ka siren sunkar noujawan mouqa se farar hogaye, aur ladki ko akela chod diya, Kuch der ke baad police ne ladki ko madhoshi halat may paya, wo nashe may dikhaye derahi thi, police ne use dawakhana may dakhil karwaya.
Dawakhana may bhi ladki ne bataya tha ke auto drivers aur do deegar afrad ne uske saat ziyadati kit hi, auto driver se pooch gach karne per aur ilaaqe may moujood CCTV camera ke photage ka tajziya karne ke baad police ne mukhtalif zaviyoun ki taraf dekhna shuru kiya jab unhoun ne auto se utarne ke baad ladki ko do pahyoun ki gadi per jaate hue dekha, aakhir kaar is saboot ke saath ladki ne qubool kiya ke wo apne premi ke saath waqt guzar rahi thi.
Yaad rah eke mutadid khawateen tanzeemoun , awami numaindoun ne is waqiye ki mazammat kit hi jis se riyasat bhar may sansani phail gayi thi, Aala sathe per dabao ki waja se police ne apni karwayi may tezi paida ki thi.