New Dehli: Indian Institute of Technology ( IIT ) Dehli ke ek 18 sala taliba ki chaharshambe ke roz computer Engineering Department ki imarat ki chath se girnay se mout hogayi.
Police ke mutabiq, ibtedayi tafteesh mein inkishaaf hua hai ke guzishta jummay ke roz, mutasirah ladki Ananya Gupta ki walida apni beti ko phone karne ke baad, subah 8 bajey ke qareeb Institute ke campus mein aayi aur seh pehar tak is ke sath rahen.
Shaam ke waqt, Gupta ko seedhi ka istemaal karte hue tanha chhat ki taraf akeley jatay hue dekha gaya. police ne bataya ke iske fouran baad hi lecture hall complex ke qareeb ek Security Guard ne aawaz suni aur woh mauqa par pohanch gaye, jahan usay pata chala ke taalib-e-ilm gir gayi thi aur woh shadeed zakhmi hogaye thi. iske baad usay fori AiIMS troma center mein daakhil karaya gaya, jahan mangal ke roz is ne dam todh diya. police ke mutabiq tafteesh jari hai aur mauqa waardaat se koi khudkushi note bar-aamad nahi hua hai.
-YTN STAFF.