Aurangabad: Notes ki barish kar ke crore patti banadine ka lalach dekar Nare gaon aurangabad ke ek dhongi baba neh Hyderabad ke 2 afraad ko lakhon rupiyon ka chunna laga diya. Aurangabad ke Police station mein darj karwai gayi shikayat ke mutabiq 5 taa 7 crore rupiye dilanay ka lalach day kar naare gaon ke rehne walay sahib Khan pathan urf Sitaar baba ne Dedo Satayanarayan( new LB nagar, hyderabad ) aur Syed Jahangir ( Moula ali hyderabad ) se lakhoon ki raqam hadap liye. is zimn mein Police ne 2 afraad ke khilaaf muqadma darj kiya hai. tafseelaat ke mutabiq Satyanarayan aur syed Jahangir ke taluqaat hazari Sesh khatri ( Dhoolpet, hyderabad ) ke sath they. teen saal qabal uss neh un dinon ki aurangabad ke rehne walay baba se phone par baat karwayi thi aur yeh Baba ghareebi , dukh aur pareshani door karte hain, is tarhan ka yaqeen dila kar iske akhrajaat ke naam par 25 laakh rupiye baba ko dainay ke liye kaha tha. is par yaqeen kar ke Satyanarayan aur syed Jahangir , sahib Khan pathan urf sitaar baba ke raabtey mein they .
Baad azan sahib Khan pathan neh un dono ko 17 feb ko Aurangabad bulaya aur 25 laakh rupiyon ka mutalba kiya. itni badi raqam ka intizam nah ho saknay ki wajah se un dono se saadhey 6 laakh naqad aur do Cheque liye aur unke sath car se Bidar ke rastay se hyderabad janay ka programme banaya. rasta mein 70 taa 80 km doori par do maqamat par is ne do alag alag afraad ko woh raqam aur cheque day diye. kuch door jane ke baad laal batii wali ek gaari neh unhein roka jis mein Police wardi mein 1 shakhs aur saada libaas mein 3 afraad they .
unhon neh baba ko daant dapat ki aur apne sath le gaye aur un dono ko Hyderabad chalay janay ko kaha lekin yeh dono Hyderaabad nahi gaye balkay wapas aurangabad aker maloomat ki to unhein pata chala ke yeh baba is qisam ko dhoka dahi is se qabal bhi kayi afraad ke sath kar chuka hai, jis par unhon neh Police mein shikayat darj karai. Police neh 2 afraad ke khilaaf muqadma darj kya hai aur tehqiqaat ka aaghaz kardiya . –YTN STAFF