Hyderabad: Shehar-e-Hyderabad ke Uppal stadium mein aaj shaam honay walay IPL final match ke liye sakht security intizamat kiye gaye hain. Rachakanda police commissionaire Mahesh bhagat ne media se baat karte hue kaha kay itwaar ki shaam 7:30 bajey is match ka aaghaz hoga. yeh match Mumbai andins aur Chennai Super Kings ke darmiyan khela jayega is muqablay ke liye stadium ke andar 300 CCTV camera nasb kiye gaye hain .
Stadium ke aetraaf mein bhi taqreeban 300 CC camera nasb kiye gaye hain. stadium ke andar ek khusoosi command control center qaim kiya gaya hai. taqreeban 2800 mulazmeen police ko bandobast ki duty par tainaat kiya gaya hai. stadium aur pitch ki bhi jaanch ki gayi hai. unhon ne mamnooa ashya na laane ki cricket ke madahon se appeal ki hai. Helmet, Power Bank, Cigarette, Laptop, sharaab, nasha wali ashiya aur khane peenay ki ashya andar le jaaney ki ijazat nahi rahay gi .
Hyderabad ke Uppal stadium mein aaj IPL ka final MS Dhoni ki zair-e-qiyadat Chennai super kings aur Rohit sharma ki zair-e-qayadat Mumbai Indians ke darmiyan khela jayega aur dono hi teamon ne tournament mein fi kas teen teen martaba khitabat haasil kiye hain. IPL 2019 mein Rohit sharma ki Mumbai Indians ko dhoni ki Chennai super kings par Sabqat haasil hai jaisa ke tournament mein teen martaba Mumbai ne Chennai ko shikast di hai jis mein qualifier muqablay ki kamyabi bhi shaamil hai. final mein Mumbai indians ko jo Sabqat haasil hai usay aitbaar se hyderabadi shaiqeen umeed kar rahay hain ke Mumbai indians jis ne 2015 aur 2017 mein khitabat haasil kiye hain is ke liye 2019 ek martaba phir khush qismat saal hoga. hyderabad mein guzashta raat barish hui hai aur subah ka mausam bhi Khushgawar raha jis se umeed ki jarahi hai ke shaam ko barish bhi hui to muqaabla ziyada mutasir nahi hoga aur shaiqeen ko Khushgawar mausam mein shandaar muqaabla dekhnay ko miley ga . –YTN STAFF