Saturday, March 2, 2024
HomeHyderabadHyderabad se tulaba ki ek badi tetaad ka beroon mumalik safar

Hyderabad se tulaba ki ek badi tetaad ka beroon mumalik safar

Shehar Hyderabad ke kayi tulaba ne gair mulki university mein daqile ki tasdeeq ki hain aur un mein se baishtar visa haasil karne ke baad pehle hi beroon mulk muntaqil ho chuke hain. Telangana ke tulaba ki tetaad jinho ne gair mulki university mein apni aala taleem ka mansooba banaya hai.

Covid wabai marz ke dauran bhi woh aage badhte chale gaye. haal hi mein ki gayi ek tehqeeq mein inkeshaf kiya gaya hain ke riyasat ke 62 feesad ya 30000 tulaba beroon mulk taleem hasil karne ke khayishmand hain. Riyasat ke taqreeban 8000 tulaba 2019 mein beroon mulk taleem hasil karne gaye iske baad 2020 mein 17 feesad aur 2019 ke muqable mein 20121 mein 62 feesad izaafa huwa. Canada Britain aur America maqbool aam manzil hain aur 90 feesad se Zayed tulaba in teeno mumalik jaate hain. Australia aur Europe mumalik jaise Germany Holland aur Aerland uske baad maqbool mumalik hain.

Hyderabad se alaa taleem ke liye beroon mumalik jaane wale tulaba ki sab se zyada tetaad ke saath Rajiv gandhi bainul aqwaami airport ne July ke maheene mein 6.8 lacks gharelu musafiro aur 50000 se zayed bainul aqwaami musafiro aur August ke mahine mein bainul aqwaami musafiro ki zyada tetaad ko record kiya hain.. tafreehi chuttiyon ke safar ke saath saath beroon mulk parwaz karne wale tulaba ne July aur August ke mahine mein musafiro ki tetaad mein izafe mein ahem kirdar adaa kiya hai…RGIA ne taalib e ilm musafir traffic mein behtari dekhi… airport ne guzishta maah gharelu shobe mein parwazon ki tetaad mein izafa dekha.. airport ne July mein air trafic ki naql o harkat (ATM) mein numaya izaafa record kiya..July mein Hyderabad airport se 8000 se Zayed ATM record kiye gaye..1st June ko taqreeban 10000 musafiro se 18 July ko ek hi din mein musafiro ki tetaad teen gunah izaafa huwa aur 29000 se tajawuz kar gayi.