Hyderabad : Maroof airlines Indigo ne khaliji mumalik ke liye Hyderabad se raast parwaaz mein mazeed ek izafah kiya hai jis ke zareya ab Hyderabad se Doha raast parwazoun mein izafah hoga. Indigo is waqt Hindustan se khaliji mumalik ke 7 shehroun jis mein Dubai, Abu dhabi, Sharjah , Kuwait, Muscat, Jeddah aur Doha shaamil hai is mein 16 September 2019 usay mazeed izafah hoga kyunkay ab Hyderabad se Doha raast parwaaz mein mazeed ek izafah hua hai jis ke liye ticketoun ki booking ka aaghaz hochuka hai.
Indigo ke chief commercial officer Mister William Boulter ne media numaindon se izhar-e-khayal karte hue kaha ke hamein yeh elaan karte hue khushee horahee hai ke hum ne hyderabad taa Doha ke rasta par doosri flight shuru kar di hai kyunkay junoobi Hindustan se khaliji mumalik rawana honay walay musafireen ki tadaad mein kaafi izafah hua hai kyunkay Hyderabad se Doha jaaney walay afraad sirf tijarat ya mulazimatoun ke musafireen hi nahi hotay balkay sayaho ki bhi ek badi tadaad moujood hai.
Hyderabad se Doha ab rozana raast parwaaz ka intizam hochuka hai jaisa ke ab 16 September ko Hyderabad se Doha aur phir 17 September ko Doha se Hyderabad ki parwaaz bhi muqarrar kardi gayi hai. Hyderabad se Doha parwaaz karne wali doosri flight ko Asri design aur sahuliyaat se taiyar kiya gaya hai jis mein business aur luxury musafireen ke liye tamam tar sahuliyaat dastyab hain. company ke mutabiq un parwazoun ko Ali al-subah rawana karne ka maqsad yeh bhi hai ke jo afraad tajir aur peshawarana sargarmion ki wajah se hyderabad ya Doha ka rukh karte hain inhen manzil-e-maqsood par pohanchanay ke baad daftari umoor ki anjaam dahi ke liye mukammal din dastyab hosakay. –YTN STAFF