Hyderabad: Gandhi Hospital ke Out Sourcing Staff ki tarz par tankhwahin aur deegar sahuliyaat ki farahmi ka mutalba karte hue shehar Hyderabad ke Osmania hospital ke Out Sourcing Staff ney apna ehtijaj jari rakha aur mutalba kiya ke isi terhan ki sahuliyaat un ko bhi faraham ki jayen. Unhoun ney ilzaam lagaya ke 3 mah se un ko tankhwahin nahi mil rahi hain. Media se baat karte huve unhoun ney daawa kiya ke intizamia ney un ke 4 dinoun se jari ehtijaj ko nazar andaz kiya. Nurse, Lab Technician, Pharmacist aur darjah chaharum ke mulazmeen ney is ehtijaj mein hissa liya.