Hyderabad: Coronavirus ki wajah se awam jo ghar se baher anay mein hichkicha rahay thay woh ab aahista aahista baher arhay hain aur Hyderabad mein zindagi mamool ki simt lout chuki hain. Hyderabad mein kayi chhootey aur baday kaarobar ko farogh dainay mein madad faraham kar rahay hain. Kuch hafton se shehar mein Malls khaas tor par hafta ke aakhir mein ayyaam mein mazeed par hujhoom dekhaye day rahay hain. Alawa azeen choti dukanain bhi har roz kuch nah kuch karobar kar rahi hain.
Bohat saaray logon ke bazaaron mein tijarat ke liye wapas anay se aisa lagta hai ke Hyderabad mein zindagi ke mamool ki simt taizi se gamzan hai. IT Professional Syed Ahmed Khan ne kaha hai ke mein daikhta hon ke loog un dinon baghair kisi hichkichahat ke baher arhay hain. Malls mein awam ka hujhoom hanooz kam hai lekin sadak ke kinare ab ziyada tar choti dukanain khuli hui hain aur loog bhi wahan jarahay hain. Mere khayaal mein is se mutadid kaarobar ko farogh dainay mein madad miley gi.
Khanay peenay ke kaarobar bhi IPL ke season ki wajah se taizi aa chuki hai. Food Delivery Apps ko pehlay ke muqablay khanay ke liye darkhaste ziyada mil rahi hain. Swiggy ke tarjuman ne kaha hai ke yeh IPL season nah sirf khail ke shaiqeen balkay doston aur konbe ke liye bhi ek behtareen waqt hota hai jo apne gharon mein aaraam se match dekhnay ke liye badi tadaad mein jama ho rahay hain aur jab khandan ke chand afraad ya doston ka ek group jama hota hai to phir khanay ki baat hoti hai lehaza cricket ke is season mein online khanay ke orders mein izafah hochuka hai.
Season aur Hyderabad hamari mazboot mandiyon mein se ek hai, Khaas tor par Beryani jaisay har waqt ke pasandeeda dishes mein shaamil kiya jata hai is ke sath orders mein achi khasi taizi dekhnay ko mil rahi hai.
Is ke ilawa shehar ke ahem Junctions par Traffic jam bhi yeh gawahi day rahi hai ke shehar Hyderabad apni mamool ki zindagi ki taraf aachuka hai. Punchagutta, Greenland, Ameerpet, Begumpet, Paradise, Raniganj, Himayat nagar, Basheerbagh, Muazzam jahi Market, Nampally, Amberpet, Kothi, Chadarghar, Afzal Ganj, Shah Ali Banda, Bahadurpura, Mehdipatnam, Masab tank, Lakdikapol Assembly ke robaru aur shehar ke deegar ahem maqamat par Traffic ka jam ab mamool ke mutabiq hochuka hai jis se andaza lagaya ja sakta hai ke Hyderabad mein corona bohraan ke baad zindagi mamool ki simt lout chuki hai.