Hyderabad: Duniya bhar mein salana photography festival ka mukhtalif mumalik aur ahem shehron mein ineqad amal mein aata hai isi ki ek kadi PEP photo summit 2019 hai jo ke 3 roza photography festival ke tor par hyderabad mein munaqqid ho rahi hai .
3 taa 5? May yeh photography festival sony aur fuji film ke taawun se munaqqid ki jarahi hai aur yeh Asia ki sab se badi photography festival hogi jahan duniya bhar ke Maroof tareen photograhers aur tasweer kashi mein dilchaspi rakhnay walay awam shirkat karenge. teen roza is photo graphy festival mein 2050 se zayed tajurbay car aur aalmi shohrat Yafta photo graphers ki shirkat mutawaqqa hai jo ke duniya bhar ke inqalabi halaat aur waqeat ko tasaveer mein qaid karte hue yahan numayesh ke liye bhi paish karenge. aalmi shohrat Yafta jo photograhers is photography festival mein shirkat kar rahay hain un mein Jerry ghionis , Brain Smith aur Ira block jaisay ahem shakhsiyatein is events se khitaab bhi karenge. is events ke zimn mein izhaar-e-khayaal karte hue sony India private ltd ke digital imaging business ke sadar Hair You You ki tokono ne kaha ke digital photo graphy ney duniya bhar mein apni maqboliat ke Unmit nuqoosh chhodey hain aur yeh kayi afraad ka mehboob tareen mashgala bhi hai jis ke zariye woh zindagi ke kayi ahem yadgar lamhaat ko camera ki aankh mein qaid karte hain, aisay hi mahireen aur tasweer kashi mein dilchaspi rakhnay walay afraad ke liye PEP photo summit 2019 behtareen mauqa hai .
Is events mein White House ke sabiq photography office ke director Pet suza bhi shirkat kar rahay hain. National Geographic and life magazine ke ilawa September 11 ke dehshat gard hamlon ke baad honay wali karwaiyon ke hamrah Afghanistan mein jo jung ladi gayi is douran jin photograhers ney jung aur jung zada mumalik ke jin halaat ko apne cameron mein qaid kya tha unki mehnaton ko bhi yahan mushahiday ke liye paish kya jaye ga. is teen roza photography events mein hyderaabadi awam ko duniya bhar ke Maroof tareen aur aalmi waqeat ki tasweer kashi karne walay mahireen ke fun se waaqif honay ka mauqa miley ga.-YTN STAFF