Hyderabad: Ek aisay waqt mein jab guzashta ek hafta ke douran raton mein aahista aahista garmi badh rahi thi lekin shehar mein achanak sardi badh gayi hai. Guzashta roz mausam abar alood honay aur Barish ki wajah se shehar hyderabad mein din ke darja hararat mein kaafi had tak kami waqay hui hai kyunkay baadalon ke peechay Sooraj mukammal tor par ghayab hochuka hai. Dopehar ke aakhir mein bonda-bandi bhi jiska silsila jumaraat ki subah bhi jari raha. Thandhi hawaon aur abr alood mausam ki wajah se shehar mein ziyada se ziyada darja hararat 26.2 degree centigrade raha, jo aam darja hararat se 2 degree centigrade kam hai.
Guzashta raat hyderabad mein kam se kam darja hararat 21.6 degree centigrade record kya gaya, jo aam mausam se 7 degree centigrade ziyada hai. aam tor par darja-e-hararat decemeber aur January ke douran din ke waqt 30 degree centigrade ke tak rehta hai. Taham chaharshambe ko 26 degree centigrade tak girgaya. Is ke alawa, bandlaguda, Uppal, charminar aur Rajendar nagar samait chand ilaqon mein bhi shaam ko halki barish ki ittila hai. Telangana state development planning society (TSDPS ) ke mutabiq dopehar ke auqaat mein darja hararat 21 degree se 22 degree tak hogaya tha.
Hayaat Nagar, Khairatabad, Malkajgiri, Sheikhpet, sri lingampally, bandlaguda aur musheerabad jaisay ilaqon mein darja hararat 21 degree se 22 degree tha. IMD ne mojooda mousmi sorat-e-haal ko mashriqi wasti arab ke saahil se lekar junoobi Madhya pradesh tak mashriq wasti arab ke saahil mein hui tabdeeli ka assar bataya hai, jo bahera arab ke wasti hisson aur is se mulhiqa behar gird wo gird wo se chalta hai. Guzashta 24 ghanton ke douran old bowenpally mein sab se kam Darja hararat 18.3 degree centigrade record kiya gaya aur BHEL mein sab se ziyada darja hararat 31.4 degree centigrade record kiya gaya.