Hyderabad: Har shakhs ki ye khwahish hoti hai ke is ka aur iske bachoun ka mustakbil mehfooz aur Khushgawar ho jis ke liye wo na sirf sakht mehnat karta hai balkay mo-asar aur zaheen andaaz mein mansoobah bandi bhi karta hai neez aksar dekha bhi jata hai ke loog tijarat mein sarmaya kaari bhi karte hain taakay har guzarte waqt ke sath mashgool kardah sarmaya kaari ka behtar faida mil sakay ye hi wajah hai ke Hydraabadi awam aur khaas kar jo loog bairooni mumulk mein barsar khidmaat hai wo zamiinoun aur makanaat ki kharidari mein apni mehnat ka paisa lagatay hain. Jo loog makanaat aur araziyat mein apna sarmaya mashgool karte hain un mein shayad sirf ek feesad hi aisay waqeat runuma hotay hain jahan sarmaya kar ko faida nahi hota kyun kay aksar sarmaya karoun ko faida hi hota hai ya phir ju sarmaya lagaya gaya hai wo itna to haasil hohi jata hai jitna lagaya gaya tha.
In dinoun Hyderabad ke Real state ke liye mutadid misbet khabrain aa rahi hain kyun kay jahan Hindustan ke deegar Metro sheharoun Banglore, Mumbai, Dehli, Kalkata aur Chinnai ke ilawa ahem maqamat ke Real state ke kaarobar mulk mein muashi sust rawi se maand pade hain wahein Hyderabad mein Real state ki ek ke baad deegray kayi ek hosla afza khabrey aarahi hain jis ke baad awam ki araziyat aur makanaat ki khareed-o-farokht mein dilchaspi bhedne ke ilawa aindah chand barsoun ke liye apna sarmaya faida mand araziyat mein mashgool karne ki mansoobah bandi ke liye maloomat haasil karne mein bhi badhi hai.
Hyderabad mein Real state ki maang ke izafah ka andaza is baat se bhi lagaya ja sakta hai ke rawan mah Banglore se talluq rakhne wali ek Maroof company Prestige Group ne kothapet mein ek araazi 200 crore mein khareedi hai taakay yahan hama maqsadi praject shuru kiya jaye. Waisay to Hyderabad mein kayi aisay maqamat hain jahan araziyat aur makanaat ki khareed-o-frokht sone ke nahi heeron ki qeemat mein hoti hain jin mein khaas kar Shadnagar, kothapet, Maheshwaram, Gachibowli aur deegar mashhoor ilaaqoun mein Sanga Reddy, Sadashivpet aur Yaadgiri qabil zikar hain.
Hyderabad ke Real state mein sarmaya kaari ke ziman mein ahem tafseelaat ke husool ke liye media numainday ne maroof aur multi national company BBG building block group ( ISO 9001-2008 German certification technical) ke numainday Faisal Khan se tafseelaat haasil ki jis se andaza hota hai ke Hyderabadi awam ke liye is waqt Shadnagar qareebi market hai jahan Real state ke mutaliq misbet khabar aarahi hain.
Shadnagar ahem kyun?
Hyderabad ke muzafati ilaaqoun ki araziyat ki qeematoun mein un dinoun izafah dekha ja raha hai is ki ek ahem wajah un ilaaqoun mein croredoun rupay ke sarkari aur khangi projicts ka shuru hona ya projects ka manzoor hona hai aur un mein Shadnagar ek aisa maqam hai jo ke dono shehroun ke awam ke liye araziyat mein sarmaya kaari ke liye ek ahem market saabit ho sakta hai.
Shadnagar jahan kayi ek sarkari aur khangi projects anqareeb haqiqat ka roop ikhteyar karlinge jis ki wajah se yahan company ke ilawa aam afraad ke liye qiyam-v-taam ke intizamaa zaroori ho jaien ge. Shadnagar mein waisay to sarkari aur khangi kayi ek project shuru ho chukay hain lekin jab se Muncipality ne usay apne hudood mein liya hai tab se ye special development zone ( SDZ ) ban chuka hai. Shadnagar Muncipality ke Website ke bamujab yahan ki araziyat ko bain-ul-aqwami Companys ke projects ke mawafiq banane ke liye 2014 mein hi kayi ek bunyadi sahuliyaat faraham karne ka kaam shuru kiya chuka tha ye hi wajah hai ke chand barsoun mein hi yahan Johnson and Johnson, Amezon, DLF, Asian Pants, LV Prasad Aye Hospital aur deegar kayi ek multi national companiyon ke marakaz qaim ho chukay hain. Uskay ilawa Hyderabad ka zoo park bhi yahin muntakil kiya ja raha hai
Shadnagar rehaishi ilaqa hone sath kyun kay bain al aqwami raastoon se rabita qaim karne ke liye Shamsabad Airport se qareeb hai aur metro Rail ke zareya Hyderabad ke IT Hub Gachibowli ke sath dono shehroun ke deegar sabhi ilaaqoun ko ba aasani jodta hai is liye yahan rehaishi makanaat aur araziyat mein sarmaya kaari ko kaafi ahmiyat di jarahi hai. Shadnagar mein fi gaz zameen ki qeemat 5 hazaar se shuru hokar takreeban 15 hazaar tak poanch chuki hai aur ek aam aadmi ko is taraqqi karte ilaqay mein jahan kam se kam rehaishi Plat jo kay takreeban 150 murabba gaz par muheet hota hai faraham kiya ja raha jis ki qeemat 7.5 Lakh rupiye horahee hai. Shadnagar jahan rehaishi ilaqa hai to is se sirf 12 kelo meters ke faasla par Guttur hai jisay mukammal tor par tijarti aitbaar se taraqqi di jarahi hai jis ki wajah se bhi Shadnagar mein rehaishi araziyat mein awam ki dilchaspi badhi hai. Ye tamam araziyat DTCP( Director of Town and country planning ) aur Muncipality se musalmah hain. –YTN STAFF