Hyderabad: Shehar Hyderabad mein khudkushi ke mamlaat mukhtalif wajohaat ki bina par 5 afraad ney apni zindagi ka khtama karliya.
Pehlay muamlay Hyderabad ke Asif Nagar ke ek Auto Driver ney itwaar ke rooz Ala subha apne ghar mein khud ko phansi day kar halaak kar liya. Police ke mutabiq Asif Nagar ke New Kishan Nagar ka rehaishi Syed Aladuddin subah 7 bajey is ki ahliya ke ghar mein bawatchi khane mein phansi le li.
Pooch gach ke douran lawahiqeen ne bataya ke mutwafi ko koi pareshani nahi thi, Jis ki wajah se woh apni zindagi khatam karne par majaboor huwa. Mohammad Rustam Khan Sub Inspector Asif Nagar Police Station ne media numaindon ko bataya ke “is muamlay ki tafteesh shuru kar di gayi hai”.
Ek aur muamlay mein Laxminagar ke M Shiva Shankar jo ke langer Houz ka rehaishi hai, Food Delivery Boy ki hesiyat se kaam karta tha, Apne ghar mein khud ko phansi par latka diya. Muqami police ke mutabiq Shive Shankar ki walida ki mout hugayi 3 mah qabal May ke mahinay mein, Jabkay is ki ahliya ney 4 saal qabal hi usay Talaq day di tha. Sub inspector Langer Houz ney bataya ke haftay ki raat is shakhs ney apne ghar mein khud ko phansi par latka liya aur itwaar ke rooz padoseyo ney lattakti laash dekhi to police ko aagah kiya baad azan police ney muqadma darj kar li.
Hyderabad ka ilaqa Musheerabad ki Ram Nagar se talluq rakhnay walay 21 sala Taxi Driver Dasari Ramesh ne itwaar ke rooz alas subha apne ghar mein khudkushi kar karliya. Haftay ke rooz raat 10 bajey ke qareeb shaam ko khana khanay ke baad sonay ke liye apne ghar ke kamray mein andar aa gaya, Itwaar ki subah jab woh baher nahi aaya to ghar walon ne usay talaash kiya aur usay ghar mein chhat ke pankhe se latka huwa paaya. Musheerabad Police ne muqadma darj karliya.
Malakpet Professors Colony ka rehaishi K Raghunath haftay ki raat apne ghar mein phansi le kar khudkushi kar li. Malakpet police ne bataya ke Raghunath ki guzashta chand saloon se ek aurat se dosti thi taham, Is ki saheli kuch mamlaat par is se guraiz kar rahi thi, Chunkay ke isi baat ko le kar Raghunath afsardagi mein mubtala hogaya aur ho sakta hai ke is ne apni zindagi khatam kar li.
Mangalhath Police Station ke hudood mein rehne wala 22 sala Mallikarjun nay maali pareshaniyon ke sabab khud ko phansi day kar khudkushi karli. Mallikarjun RK Pet Mangalhath Police Station ke hudood mein apne ghar walon ke sath rehta tha, Haftay ki raat is nay apne ghar mein chhat ke pankhe se khud ko phansi day kar halaak kar liya. Khudkushi ki wajah lawahiqeen nay police ko bataya ke Mallikarjun nokari nah milnay par afsardagi mein mubtala tha, Aur woh mayoos ho kar is nay khudkushi karli.