Hyderabad: 3 Mah ke lockdown ke baad July taa September ke sah mahi mein makanaat ki farokht mein izafah huwa hai aur woh corona se pehlay ki satah par aagaye hain. Hyderabad mein 2020 ke pehlay sah mahi arsa mein 1650 rehaishi makanaat farokht hue jabkay is ki nisbat 2020 ke dosray sah mahi arsa mein yeh 2680 unit farokht honay ke adaad shumaar darj hue hain.
Anurag Properly Consultants ke mutabiq Hyderabad mein makanaat ki farokht 2020 pehlay sah mahi arsa mein 62 feesad par hai. Properly consultant Anurag ke mutabiq Covid-19 wabai amraaz ki wajah se Real State ke kaarobar maand tha lekin July taa September sah mahi ke douran rehaishi amlaak ki farokht mein 46 feesad izafah huwa jo kay Hindostan ke 7 ahem shehron mein 46 feesad kami waqay hui hai. July taa September 2019 mein rehaishi makanaat ki farokht, Delhi, NCR, Mumbai Metropolitan Regain ( MMR ), Kolkata, Chennai, Bengaloru, Hyderabad aur Pune mein 55080 Unit rahi. January September ke arsa ke douran is saal farokht 57 feesad kam hokar 87460 unit hogayi jo ek saal pehlay 22200 unit thi.
Anurag ke Chairman Anuj Puri ne un numbers par tabsarah karte hue kaha ke July September ke douran farokht guzashta sah mahi ki nisbat dogni hochuki hai jab coronavirus wabai marz ne farokht ko sirf 12730 unit tak kam kardiya tha. Unhoun ne kaha ke Hindustani Housing Sector ne 2020 Calendar saal ki teesri sah mahi mein faisla kun wapsi ki hai aur farooqt ko Covid-19 se pehlay ki satah ke 65 feesad tak pahonch gayi hai. Maroof rehaishi Brokerage ne kaha hai ke January taa March sah mahi mein farokht 45200 unit rahi. Anurag ke adaad-o-shumaar ke mutabiq July taa September 2020 ke douran 7 ahem shehron mein farokht 1 saal ki muddat mein sab se kam hui hai. July September mein NCR mein makanaat ki farokht 5200 Unit reh gayi jo 1 saal pehlay 9830 unit thi. MMR mein, Farokht 17180 Unites se ghatt kar 9200 unit reh gayi. Bengaloru mein rehaishi amlaak ki farokht 10500 Unites se kam hokar 5400 unit reh gayi jabkay Pune mein mutalba 8550 Unites se 4850 unit reh gaya. Is saal ki teesri sah mahi ke douran Chennai mein rehaishi makanaat ki farokht 1600 unit rahi jabkay guzashta saal isi arsa mein 2620 unit ki farokht darj hui thi.