Hyderabad : Ye kehte hue ke hyderabad mein aik khamosh inqilab peda hochuka hai, BJP ke senior rehnuma aur markazi wazeer-e-mumlikat baraaye dakhla G. Kishan Reddy ne etemaad ka izhaar kiya hai ke Bhagva party GHMC intikhabaat mein kamyabi haasil karegi.
Darin asna unhon ne shehrion par zor diya ke woh raye dahi ka feesad badhayain. un khayalat ka izhaar unhon ne hyderabad mein media se khitaab karte hue kiya.
Ye daawa karte hue ke BJP ke haq mein aur hukmaran jamaat ke khilaaf lehar mojood hai, Kishan Reddy ne kaha uss lehar ke peechay 2 awamil hain. Ek TRS party ki bad-unwani aur duwam khandani hukmarani hai.
GHMC intikhabaat mein ye ziyada wazeh hogaya hai. unhon ne yeh bhi nishandahi ki ke party ko raye dahindgaan ka zabardast rad-e-amal mil raha hai. Kishan Reddy ne BJP gali intikhabaat ke liye Dehli ke rehnumao ko lekar aayi hai. un tabsaron ka jawab dete hue chunkay aap ( TRS ) ek khandani party hai, lehaza aap ke liye koi aur nahi muhim chalayega lekin hamari party ek qaumi jamaat hai aur zaroorat padney par hamari qayadat taawun karegi.
Dubbak intikhabaat mein TRS ke khilaaf kamyabi se BJP ke hauslay kaafi buland hain aur ab woh hyderabad ke baldi intikhabaat mein kamyabi ke liye pur-azm hai. hyderabad se woh junoobi Hindustan ki deegar reyaston mein apne qadam mazboot karne ke liye koi kasar nahi chodh rahi hai yahi wajah hai ke shehar ke ek mamooli intikhabaat ke liye BJP ne wazeer e dakhla amit Shah , yogi adtiyanath, smriti irani, Maharashtra ke sabiq chief minister devendra fadnavis ke alawa kayi ahem leadron ke zareya GHMC intikhabaat ki muhim chalaye.