Hyderabad: Shehar Hyderabad ke kayi ilaqoun mein aaj dopehar barish huvi jis ke nateeja mein kayi maqamat par sadkoun par pani jama hogaya aur traffic mein rukawat peda hogayi. Barish ke nateeja mein darjah hararat mein bhi kami hogayi. Barish ke nateeja mein mausam sard hogaya. Baaz nashebi ilaqoun mein pani jama honay ki bhi ittila mili hai.
Isi douran balai sahili ilaaqoun mein huvi barish ke nateeja mein AP ke Karnool ke Srisailam Dam mein pani ka bhaari bahao darj kiya gaya. Budh ki subah is Dam mein 49,895 Cubic pani ka bahao darj kiya gaya. Ohdedaroun ney ye baat batayi. Isi terhan Telangana ke Gadwal ke Jurala Project se 48,795 Cubic aur AP ke Rayalaseema ke Handri Neeva project se 1100 Cubic pani Srisilim pouncha. Is Dam ki mojooda satah aabb 815.50 feet hogayi hai. Is ki mukammal satah aabb 885 Feet hai.