Hyderabad: Shehar mein corona se misbet paye jaanay walay afraad ke awam mein phirnay ka pata chala hai jis se awam mein be cheeni payi jati hai. Un ka pata chalanay ki koshishen ki jarahi hain kyunkay kayi afraad ne jaanch ke douran apne ghalat pate aur ghalat phone number likhwaye hain. Is se hukkaam mein tashweesh payi jati hai. Corona ke muanay karwane ke baad un ki Report anay ke liye 4 din darkaar ho rahay hain.
Aisi douran ye misbet afraad awam mein ghoom rahay hain jis ke nateeja mein corona ke mamlaat mein izafah ka khadsha hai aur ohdedaroun ke liye un ka pata chalana sardard ban gaya hai. Aisay muanay karwane walay tibbi ahal karoun ko ye yaqeen dehani karwa rahe hain ke home isolation mein rahen ge taham wo gharoun mein rehne ke bajaye baazaaroun aur aam maqamat par ghoom rahay hain jis se corona ke mamlaat ke bhadne ka khadsha hai. Ohdedaron ke mutabiq taqreeban 3 hazaar aisay misbet afraad se rabita nahi ho saka jinhon ne apne muanay karwaye lekin apne pate aur phone number ghalat diye.
Kayi mutasireen ka kehna hai ke un ko Apartment mein anay nahi deya jaraha hai. Ye afraad medical shops ke sath sath dukanat ko bhi jarahay hain. Greater Hyderabad Municipal Corporation ( GHMC ) ke hudood mein coronavirus ke misbet mamlaat ki tadaad 40 hazaar se tajawaz kar gayi hai. Un mein 28000 sahet honay ke baad discharge kardiye gaye. Riyasat mein ek dosray se is marz ke phelnay ka marhala shuru hogaya hai jis ke pesh e nazar ohdedaron ne intibah diya ke chokasi ikhtiyar karen. Hyderabad ke baaz ilaqay high risk zone ban gaye hain. Is mah mein corona ke mamlaat mein bhaari izafah huwa. Shehar ke 8 Circulars jaan lewa aur khatarnaak ban gaye hain. Un mein Yousufguda1200, Amberpet, 2000, Karwan 1800,Chadrayangutta 1200 Charminar 1100, Mehdipatnam 1600, Qutubullapur 150 aur Rajindernagar 730 shaamil hain.