Hyderabad: Police ney Hyderabad ke Miyapur ilaqa ke Hafeezpet se corona Baba ko giraftar karliya jis ney is virus ka ilaaj karne ka bahana karte hue kayi afraad ko dhoka diya. Is ney is ilaqa ke awam ki tavajja apni cheeloun ke zareya haasil karli jinhon ney ye tashheer ki ke wo is virus ka ilaaj karne mein maahir hai. Miyapur police ney kal shab is ke adda par chhapa maartay hue Corona Baba urf Ismail Baba ko giraftar kar liya. Is ney ye bhi tashheer karwai thi ke is ke paas ghaibi taqtin hain aur wo Covid-19 se mutasir afraad ka ilaaj karsaktha hay.
Police ney kaha ke wo is par yaqeen karwatay hue afrad ko dhoka day raha tha. Is Amel ney is ke paas ilaaj karwane ke liye anay waloun ko is baat ke liye bhi qaail karwane ki koshish ki ke corona se bachney ke liye Mask ke istemaal ki zarorat nahi hai. Police ney nishandahi ki ke wo jaria saal March se ye kaam kar raha tha. Police ney awam ko mashwara diya ke wo corona ki alamaat par hospital se rujoo hon aur aisay aamiloun ke chakkar mein nah paden jo un ko dhoka dete hain.