Hyderabad: Cyberabad Traffic Police neh 2 phaiyoun par sawaar dono afraad ke Helmet pahannay ki ahmiyat par zor dete huve ek muhim shuru kardi hai kyunkay Motorcycle sawaar Hyderabad mein qawaid ko nazar andaaz karte rehtay hain. Ohdedaroun neh kaha hai ke 2019 mein baghair Helmet walay 114 Million sawaar afraad ki mout hogayi thi. Muhim ke ek hissay ke tor par Traffic Police ki temen Motorcycles ko Helmet pahannay walay dono sawaroun ki ahmiyat batanay ki koshish kar rahi hai.
Police ke mutabiq, Cyberabad ki hudood mein saal 2019 ke mukhtalif amwaat mein taqreeban 54 feesad halakat khaiz sadak hadsaat mein 450 afraad luqmah ajal ban gaye. Un mein 114 afraad baghair Helmet ke they. Sadak ke hadsaat aur amwaat ka ye rujhan intahi khatarnaak hai aur is se muashray par gehra assar padta hai. Chunancha Cyberabad ke DCP Traffic, SM Vijay Kumar neh kaha ke ye baat intahi ahmiyat ki haamil hai ke 2 pahiyah ki gaadi ka sawaar jin mein dunu Driver aur dosra sawaar dono hi haadsay ki soorat mein halakatoun se bachney ke liye hamesha ek mayaari Helmet ka istemaal karen.
Is pas manzar mein, Cyberabad Traffic Police awam ko shaoor dainay aur is usool ko bohat sakhti se nafiz karne ke liye har mumkin tareeqay ki talaash kar rahi hai. Police un sawaroun ( dono sawaroun ) ki bhi tareef kar rahi thi jo mayaari Helmet pehnay huve hain jab wo Bike par sawaar hotay hain inhen Sanitar ki Bottle tohfa mein day rahay hain. DCP neh kaha hum umeed karte hain ke shehri Traffic qawaneen ki pabandi karte rahen aur Cyberabad mein sadkoun par honay walay hadso aur amwaat ko kam karne mein Police ki madad karen. –YTN STAFF